रिसाली म शशि सिन्हा बनिस महापौर, सभापति केशव बंछोर

रिसाली म शशि सिन्हा बनिस महापौर, सभापति केशव बंछोर

दुर्ग। जिला के रिसाली म कांग्रेस के महापौर बन गेय। पार्सद मन वार्ड-9 के पार्सद शशि सिन्हा ल मेयर बनाइस। येकर संग ही सभापति पद बर केशव बंछोर  चुनिस। शशि सिन्हा पहिली बार जीत के आय हे, अउ केशव तीन बार के पार्सद हरय।

महापौर पद बर 3 उम्मीदवार अउ अध्यक्छ (सभापति) पद बर 2 प्रत्यासी नामांकन करे रहिन। मेयर पद बर निर्दलीय सुनंदा चंद्राकर, भाजपा ले रमा साहू अउ कांग्रेस ले शशि सिन्हा दावेदार रहिस। अध्यक्छ पद बर भाजपा ले धर्मेंद्र भगत अउ कांग्रेस ले केशव बंछोर दावेदार रहिस। कांग्रेस उम्मीदवार शशि सिन्हा ल 27 वोट मिलिस, अउ भाजपा के रमा साहू ल 9 अउ निर्दलीय सुनंदा चंद्राकर ह 4 वोट पाइस। उहीं अध्यक्छ बर कांग्रेस ल 27 अउ भाजपा ल 13 वोट मिलिस।

चुनई के पहिली निगम के नव निर्वाचित पार्सद मन ल बुधवार बिहनिया अपन पद अउ गोपनीयता के शपथ लिन। निर्वाचन अधिकारी डॉ. एसएन भुरे ह कोविड प्रोटोकॉल ल धियान म रखत 5-5 पार्सद ल सपथ दिलाइस। सपथ ग्रहन कार्यक्रम पूरा होय के बाद कांग्रेस पार्सद गृहमंत्री ताम्रध्वज साहू के संग निकल गेय। थोड़किन बाद लहुटिस त मेयर अउ सभापति पद के नामांकन प्रक्रिया ल पूरा करिस।

Leave a Reply

Your email address will not be published.