खैरागढ़ म फेर होइस बराबर, आखिर म शैलेंद्र वर्मा बनिस अध्यक्छ

खैरागढ़ म फेर होइस बराबर, आखिर म शैलेंद्र वर्मा बनिस अध्यक्छ

राजनांदगांव। खैरागढ़ नगर पालिका म कांग्रेस के कब्जा होइस। इहां लॉटरी ले अध्यक्छ अउ उपाध्यक्छ के फइसला होइस। दुनो ही पद म कांग्रेस उम्मीदवार ल जीत मिलिस। बुधवार के जब मतदान होइस त दुनो ही दल ल बराबर 10-10 वोट मिलिस। अध्यक्छ अउ उपाध्यक्छ पद के फइसला होय के बाद भाजपा ह पुरा चुनई प्रक्रिया म ही सवाल उठात हे।

20 सीट वाला ये नगर पालिका म कांग्रेस अउ भाजपा दुनो ही दल ल के 10-10 पार्सद जीत के आइस। इहां कोनो दल ल पुरन बहुमत नई मिलिस। अइसे म मुकाबला कड़ी रहिस। फेर जब रिजल्ट घोसित करे गिस त बीजेपी कार्यकर्ता मन नाराजगी जताइस।

कांग्रेस ह इहां अध्यक्छ पद बर शैलेंद्र वर्मा ल उम्मीदवार बनाइस। उपाध्यक्छ पद बर रज्जाक खान कांग्रेस के तरफ ले मइदान म रहिस। बीजेपी के तरफ ले चंद्रशेखर यादव अध्यक्छ अउ विनय देवांगन उपाध्यक्छ पद के चुनाव लड़े रहिस।

दुनो पद के चुनई बर बीजेपी-कांग्रेस के पार्सद बिहनिया ही नगर पालिका कार्यालय पहुंच गेय। बीजेपी कांग्रेस के बड़े नेता भी वहां पहुंच हुए थे। येकर बाद मतदान होइस। जेमा दुनो दल के बराबर वोट मिलिस। जेकर बाद पर्ची निकाल के फइसला करे गिस।

फइसला आय के बाद कांग्रेसी कार्यकर्ता खुसी ले झूमे लगिस। येति बर बीजेपी नेता मन चुनई प्रकिया उपर सवाल खड़े करिस अउ कहिन कि कांग्रेस ह लोकतंत्र के हत्या करे हे। वोहा कहिन कि येकर पहिली घलो एक वार्ड म अइसने ही कांग्रेस प्रत्यासी ल जिताय गिस।

बता दिन कि 23 दिसंबर के जब चुनई परिनाम घोसित करे गिस। ये बेरा वार्ड 4 ले कांग्रेस प्रत्यासी अउ बीजेपी प्रत्यासी के बीच मुकाबला टाई हो गेय रहिस। येकर बाद जब रिकाउंटिंग होइस त बीजेपी के एक वोट निरस्त कर देय गिस। अइसे करे कांग्रेस उम्मीदवार ल जीत मिलिस। ये परिनाम आय के बाद बीजेपी कार्यकर्ता मन जमके हंगामा करिस। अउ कार्यकर्ता मन मतदान स्थल म ही कुरसी तोड़ देय रहिस।