टेक्टर नहर म गिरिस, तीन झन गंभीर रूप ले घायल

टेक्टर नहर म गिरिस, तीन झन गंभीर रूप ले घायल

मुंगेली। जिला म एक टेक्टर नहर म गिर गिस। ये हादसा म 3 लोगन गंभीर रूप ले घायल हो गेय। घटना के बाद तीनों अंदर फंसे रहिन। तीनो काम के बाद वापिस घर लहुटत रहिन। फेर रद्दा म ही ये हादसा हो गेय।

जानकारी के अनुसार, लोरमी थाना क्षेत्र के रेहूंटा इलाका के रहइया किसान परिवार के तीन लोगन टेक्टर म काम करके घर लौटत रहिस। इही बेरा संझा 5  ले 6 बजे के बीच रेहूंटा म ही टेक्टर अनियंत्रित होके रोड के बगल नहर म जा गिरिस। घटना के बाद तीनो झन करीब आधा घंटा तक नहर म फंसे रहिन। आस-पास के लोगन के मदद ले बाहिर निकालिन।

हादसा के बाद तीनो के इलाज कराय बर तीर के अस्पताल म भर्ती कराय गिस। फेर स्थिति ल देखत हुए बिलासपुर रेफर करे गिस। उहीं घटना के बाद पुलिस ल घलो जानकारी देय गिस। फेर पुलिस घटना के 3 घंटा बाद मउका म पहुंचिन। जेकर सेती लोगन म अब्बड गुस्सा घलो हे। आस-पास के लोगन मन बताइस कि नहर म पानी नई रहिस। नई त जादा अलहन हो जतिस।

Leave a Reply

Your email address will not be published.