सचिव चंद्राकर ह ‘कृष्ण कुंज’ म लगाइस कदंब के पउधा

संसदीय सचिव चंद्राकर ह ‘कृष्ण कुंज’ म लगाइस कदंब के पउधा, संगवारी मन संग फोड़िस दही हांडी

संसदीय सचिव व विधायक विनोद चंद्राकर ह कृष्ण जन्माष्टमी के मउका म महासमुंद के संजय कानन म कृष्ण कुंज के सुभारंभ करिन। ये मउका म कृष्ण कुंज म कदंब के पउधा लगाइस। येकर बाद दही हांडी फोड़िस। ये बेरा संगवारी मन मानव पिरामिड बनाइस।

ये मउका म कलेक्टर निलेश कुमार क्षीरसागर, पुलिस अधीक्षक भोजराज पटेल, मुख्य कार्यपालन अधिकारी ज़िला पंचायत एस.आलोक, वनमंडलाधिकारी पंकज राजपूत, सरपंच नीलम रेवाराम, पार्षद समेत स्थानीय जनप्रतिनिधि, गणमान्य नागरिक अउ सफ़ाई कर्मी उपस्थित रहिन। जनप्रतिनिधि मन घलो इहां कृष्ण कुंज म बरगद, पीपल, नीम, कदम्ब, आम, आदि पारंपरिक अउ जीवनोपयोगी पउधा लगाइस।

संसदीय सचिव विनोद चंद्राकर ह कहिन कि भूपेश बघेल ह पारंपरि पेड़ ल बचाय बर ये अच्छा पहल हे। हमन अपन व्यस्थ जीवन म पारंपरिक अउ जीवन उपयोगी पेड़ पउधा ले दुर होत जात हन। सहरी क्षेत्र म पेड़ पउधा के कमी के प्रभाव लोगन के स्वास्थ्य म देखे जात हे। हमर जीवन म पारंपरिक पेड़ पर्यावरन के संग ही लोगन के स्वास्थ्य बर बड़ महत्वपूरन हे अउ ये पेड़ पउधा ल विलुप्त होय ले बचाना आवस्यक हे।

ये पहल ले पेड़ ल संरक्छित करे जा सकहि अउ अवइया पीढ़ी घलो येकर महत्व ल समझ सकहि। नागरिक मन ले अपेकक्छा हे कि वोहा घलो अपन घर के आसपास खाली जमीन म पारंपरिक अउ जीवन उपयोगी पउधा लगावव।

महासमुंद के संजय कानन म बनाय गेय कृष्ण कुंज के 2 हेक्टेयर म 1250 पउधा लगाय जात हे। येमा बरगद, पीपल, कदंब जइसे सांस्कित महत्व के पउधा लगाय गेय हे। येकर अलावा जीवन उपयोगी आम, इमली, बेर, गंगा इमली, जामुन, शहतूत, तेंदू, चिरौंजी के पउधा लगाय जात हे। जिला के पांच नगरीय क्षेत्र महासमुंद समेत तुमगांव, पिथौरा, बसना अउ सरायपाली के 5.160 हेक्टेयर कृष्ण कुंज म लमसम 4 हजार पौधारोपण करे जात हे। पौधारोपन ल जन जन ले जोड़े बर, सांस्कृतिक बिरासत ल सहेजे बर कृष्ण कुंज नाव देय गेय हे।

—————– ————– —————

Leave a Reply

Your email address will not be published. Required fields are marked *