मुख्यमंत्री विष्णु देव साय के अध्यक्षता म आज इहाँ मंत्रालय महानदी भवन म आयोजित कैबिनेट के बैठक म कई महत्वपूर्ण निर्णय लइये गे –
मंत्रिपरिषद के बैठक म शासकीय सेवक मन के आकस्मिक वित्तीय जरूरत पूरा करे बर वित्तीय संस्था मन के जरिए वेतन के खिलाफ अल्पकालीन ऋण उपलब्ध कराए के संबंध म बेंक/वित्तीय संस्था मन से प्रस्ताव पाए के महत्वपूर्ण निर्णय लइगे। ए संबंध म आगू के कारवाही बर वित्त विभाग ला अधिकृत करे गे हे। वित्त विभाग द्वारा प्रक्रिया म पात्र पाए गे बैंक/वित्तीय संस्था संग संपन्न करे जाए वाला एमओयू के प्रारूप के भी अनुमोदन करे गे हे।
मंत्रिपरिषद मन दिव्यांग मन के हित म एक बड़े फैसला करत, राष्ट्रीय दिव्यांगजन वित्त अउ विकास निगम (NDFDC) के बाकी ऋण रकम रूपये 24,50,05,457/- (रूपये चौबीस करोड़ पचास लाख पांच हजार चार सौ सत्तावन म मात्र) एके बार म वापिस करे के महत्वपूरण फैसला करे हवय। राष्ट्रीय दिव्यांगजन वित्त अउ विकास निगम द्वारा राज म दिव्यांग मन ला स्वरोजगार अउ पढ़ाई बर झिन कम से कम 3 प्रतिशत ब्याज दर म ऋण दे जाथे।
मंत्रिपरिषद मन स्पेशल एजुकेटर के पद बर सीधे भर्ती बर स्कूल शिक्षा विभाग के भर्ती अउ पदोन्नति नियम-2019 म एके बेर बर छूट देवाय के फैसला करे हवय। एखर उल्लेख करे जइसन बात ये आय कि वित्त विभाग शिक्षा विभाग ला राज्य म 100 स्पेशल एजुकेटर के भर्ती करे के अनुमति दे हवय। शिक्षा विभाग के भर्ती नियम-2019 ला ढील देत, स्पेशल एजुकेटर के पद म सीधे भर्ती मेरिट के आधार म एके बेर करे के मंजूरी मंत्रिपरिषद से दे दी गे हवय।
मंत्रीपरिषद के बैठक मा आज मुख्य सचिव के पद ले रिटायर होवत 1989 बैच के भारतीय प्रशासनिक सेवा के अधिकारी अमिताभ जैन ला भावुक विदाई दी गे अऊ नव नियुक्त मुख्य सचिव विकास शील (भारतीय प्रशासनिक सेवा 1994 बैच) के स्वागत करे गे।
