वन मंत्री ह छत्तीस करोड़ रूपिया के विकास काम ल बीजापुर ल समर्पित करीन
वन अउ जलवायु परिवर्तन अउ बीजापुर जिला के प्रभारी मंत्री केदार कश्यप ह अपन दू दिन के दउरा के दउरान काली मिनी स्टेडियम म राखे गे आमसभा म सामिल होईन। ए मउका म ओमन बीजापुर जिला के विकास बर छत्तीस करोड़ इकचालीस लाख रूपिया के सौगात दीन, जेमा बत्तीस करोड़ छब्बीस लाख रूपिया के काम के भूमि पूजन अउ चार करोड़ पन्द्रह लाख रूपिया के लागत के काम के लोकार्पण सामिल हे।
मंत्री कश्यप ह किहिन के मुख्यमंत्री श्री विष्णुदेव साय के नेतृत्व म राज्य सरकार ह प्रधानमंत्री नरेंद्र मोदी के गारंटी ल पूरा करे हावय अउ छत्तीसगढ़ म विकास के गति ल तेज करे हावय। सरकार ह सुसासन के एक बछर के भीतर दूर-दराज के इलाका म बिजली, सड़क, पानी, स्कूल अउ अस्पताल जइसन बुनियादी सुविधा उपलब्ध कराय हे। नियाद नेला नार योजना के तहत बस्तर के सुदूर अंचल म विकास के कहानी लिखे जात हावय।
