मुर्गी पालन व्यवसाय ले आर्थिक रूप ले समृद्ध बने के सुनहरा अवसर

विकास खंड मोहला के ग्राम पंचायत उरवाही के संजय के जीवन म अब समृद्धि ह दस्तक दे हावय। अब ओमन अपन जीवन ल आर्थिक अलगाव ले दूरिहा करके आर्थिक समृद्धि म जीये लगे हावयं। संजय ह बताइन के वो मजदूर के संग कृषि म काम करत हावयं। ओमन बतईन कि उंखर जिनगी म हमेसा उथल-पुथल होथे। येकर सेती वो अपन परिवार के जरूरत ल पूरा नइ कर पाये रिहिस। ए स्थिति म ओमन मुर्गी पालन के बेवसाय करे के फइसला लेवत ग्राम पंचायत ले संपक करीन। मनरेगा के तहत ग्राम पंचायत डहार ले उंखर घर के बगीचा म पोल्ट्री शेड बनाय गेहे। पोल्ट्री शेड म वो 500 देशी मुर्गी के पालन करत हावयं। ओला उन्नत अउ देशी नस्ल के मुर्गी पालन ले बहुत अच्छा आमदनी मिलत हाबे। ओमन बतईन कि ए बछर अब तक पचास हजार रूपिया के आमदनी होय हे। मुर्गी बेचके मिले रकम ले वो अपन परिवार के जरूरत ल पूरा करत हावय। ओमन बतईन कि मुर्गी पालन ले अब उंखर घर म उछाह आय हे। ओमन ए योजना बर सरकार के आभार जताईन हे।

आप मन पढ़तहव छत्तीसगढी न्यूज़ पोर्टल 36गढ़ी.com