मुख्यमंत्री दाई दीदी क्लीनिक

मुख्यमंत्री दाई दीदी मोबाइल क्लीनिक मन के माध्यम ले अब तक राज्य म करीब एक हजार 592 कैम्प लगाए गए हे अऊ एखर से रायपुर, बिलासपुर अउर भिलाई नगर निगम क्षेत्र के गरीब स्लम बस्ति मन म रहइया एक लाख 18 हजार 523 ले जादा महिला अउर नोनी मन के ऊंखर घर तीर ही दाई-क्लीनिक कैंप के माध्यम ले इलाज करे गए हे।
जानबा हे कि छत्तीसगढ़ शासन के नगरीय प्रशासन अउर विकास विभाग कोति ले मुख्यमंत्री दाई-दीदी क्लिनिक योजना संचालित करे जात हे। योजना के तहत दाई-दीदी क्लिनिक के मोबाइल मेडिकल यूनिट के वाहन म महिला चिकित्सक अऊ स्टॉफ के टीम पहुंचथे अऊ जरूरतमंद महिला अउर नोनी मन के कई ठन बीमारी मन के निःशुल्क इलाज करथे। ए मोबाइल मेडिकल यूनिट कोति ले 20 हजार 826 महिला मन के लैब टेस्ट करे गीस अऊ एक लाख 12 हजार 380 महिला मन ल निःशुल्क दवई देखे गीस। एखर से गरीब स्लम क्षेत्र म रहइया मेहनत मजदूरी करइया अइसन महिला जेन कई कारण ले अपन इलाज नइ करवा पात रहिन। ओ मन ल इलाज के सुविधा घर तीर ही महिला चिकित्सक मन अऊ चिकित्सा स्टॉफ के माध्यम ले मिलत हे।

Leave a Reply

Your email address will not be published. Required fields are marked *