जीपी सिंह दु दिन पुलिस रिमांड म, आय ले जादा संपति मामला होहि पूछताछ

रायपुर। निलंबित आईपीएस जीपी सिंह ल बुधवार कन मजिस्ट्रेट लीना अग्रवाल के कोर्ट म पेस करे गिस। सुनवाई के बाद कोर्ट ह दु दिन के रिमांड दिस। येकर पहिली आरोपी जीपी सिंह ल ईओडब्ल्यू के टीम गुड़गांव ले लेके रायपुर पहुंचिन।

जानकारी के अनुसार, एंटी करप्शन ब्यूरो के टीम जीपी सिंह ल लेके कोर्ट म रिमांड मांगिस।

जानकारी के अनुसार, ईओडब्ल्यू ह 7 दिन के रिमांड बर आवेदन करे रहिन। फेर ईओडब्ल्यू के वकील मिथिलेश वर्मा अउ बचाव पक्छ के वकील कमलेश पांडे के बीच बहस होइस। येकर बाद कोर्ट ह जीपी सिंह ल 2 दिन के रिमांड म भेजे गिस।

उहीं कोर्ट जात बेरा जीपी सिंह ह कहिन कि हमर कोनो संपति नई हे, न ओकर ले हमर कोनो लेना देना हे, मोर खिलाफ आरोप बनावटी हे। एफआईआर देखे के बाद समझ आ जाहि, कि वोमा संपति मोर पिताजी के हे, हमर कोनो संपति नई हे, न ओकर ले हमर लेना देना हे।

बता दन कि 14 जनवरी के संझा 5 बजे जीपी सिंह ल एक बार फेर कोर्ट म पेस करे जाहि।

Leave a Reply

Your email address will not be published.