चिटफंड कंपनी के तीन आरोपी गिरफ्तार, करोड़ों रुपया के करे हे ठगी

चिटफंड कंपनी के तीन आरोपी गिरफ्तार, करोड़ों रुपया के करे हे ठगी

रायपुर। पुलिस चिटफंड कंपनी के तीन आरोपी ल गिरफ्तार करिन। अउ कई आरोपी फरार हे, जेकर खोजबीन चलत हे। आरोपी मन रुपया डबल करे के लालच देय रहिस, फेर लोगन ले रुपया मिले के बाद फरार हो गेय रहिस। जेकर शिकायत लोगन थाना म सिकायत करे रहिस।

बता दन कि मौदहापारा क्षेत्र के ऋषभ काम्पलेक्स म जीएम डेयरी जीएच गोल्ड नाव चिटफण्ड कंपनी के कार्यालय रहिस, जेकर डायरेक्टर शैलेन्द्र चन्द्र गोस्वामी, सतनाम सिंह रंधावा, नरेन्द्र सिंह अउ दुसर डायरेक्टर लोगन ल कम समय म रूपया डबल होय के झुठ बोल के रुपया जमा कराय रहिस। फेर कुछ दिन बाद आरोपी मन रुपया लेके ऑफिस बंद कर फरार हो गिस।

लोगन के सिकायत के बाद आरोपी मन के खिलाफ थाना मौदहापारा म अपराध दर्ज करे गिस। आरोपी मन के खिलाफ छग के कई जिला अउ देस के कई राज्य म घलो ठगी के अपराध लिखाय हवय। मामला म तीन आरोपी गिरफ्तार होइस। अउ येमा सामिल दुसर फरार आरोपी के खोजबीन चलत हे।

Leave a Reply

Your email address will not be published.