सेमीकंडक्टर बनही छत्तीसगढ़ के अर्थव्यवस्था के नवा ईंधन भारत के मेक इन इंडिया अउ आत्मनिर्भर भारत के सपना के साकार करे म छत्तीसगढ़ एक महत्त्वपूर्ण भूमिका निभावत हवे। नवा रायपुर अटल नगर म 1100 करोड़ रुपिया के लागत ले छत्तीसगढ़ के पहिली सेमीकंडक्टर यूनिट के भूमिपूजन हो चुकिस। देश के प्रसिद्ध सेमीकंडक्टर निर्माता कंपनी पोलिमैटेक इलेक्ट्रॉनिक्स प्राइवेट लिमिटेड के प्लांट के आधारशिला रखके विकसित छत्तीसगढ़ के तरक्की के नवा गति दी गई हे। मुख्यमंत्री विष्णु देव साय के नेतृत्व म नवा उद्योग नीति अउ इज ऑफ डुईंग बिजनेस के तहत राज्य द्वारा दी जा रहल सुविधाएँ अउ सहुलियत ले राज्य म निवेश के नवा वातावरण तैयार होगे हे। सेमीकंडक्टर बनाय बर कंपनी पोलिमैटेक दिल्ली म आयोजित इन्वेस्टमेंट समिट म छत्तीसगढ़ म निवेश के इच्छा जताइस अउ मात्र तीन महीना के भीतर ही भूमिपूजन के काम संपन्न होगे। ए छत्तीसगढ़ म इज ऑफ डूईंग बिजनेस के सफलता के दर्शावत हे।
प्रधानमंत्री नरेंद्र मोदी ये मंत्र दीस हवं कि दुनियॉ के कम्प्यूटर म लगथें वाले चिप म कम से कम एक चिप भारत म बने। उन ह वैश्विक सेमीकंडक्टर बाजार म साल 2030 तक 10 प्रतिशत भागीदारी सुनिश्चित करे बर सेमिकंडक्टर मिशन के शुरुआत करिस हव। सेमीकंडक्टर के महत्व अउ उपयोगिता ल सरल शब्द म ए तरह समझा जा सकत हे। वाहन ल जइसन ईंधन पेट्रोल आय, वइसे सेमीकंडक्टर आधुनिक इलेक्ट्रॉनिक यंत्र के मस्तिष्क अउ संचालक आय। मोबाइल, लैपटॉप, ऑटोमोबाइल, रक्षा यंत्र, आर्टिफिशियल इंटेलिजेंस, क्वांटम कंप्यूटिंग, ड्रोन अउ स्मार्ट डिवाइस इन सब म सेमीकंडक्टर के केंद्रीय भूमिका रहिथे। छत्तीसगढ़ सरकार कछु महिना पहिली नई औद्योगिक नीति लागू करे हवं, जेन के परिणाम स्वरूप महानगरों म आयोजित इन्वेस्टर समिट ले अब तक साढे 5 लाख करोड़ रुपये के निवेश प्रस्ताव मिलिस हवं। राज्य सरकार निवेशक मन ल प्रोत्साहित करे बर विशेष अनुदान के संग संग कई प्रकार के सुविधा देथें।
