महिलायं मन जूनून अउ जज्बा ले राजनांदगांव विकासखंड के गांव मनगटा, जोरातराई, मुड़ीपर म जल यात्रा निकाले। महिलायं कलश लेके गांव म घूमत रहिन अउ जल अउ पर्यावरण संरक्षण के संदेश दिए। पद्मश्री फूलबासन यादव सोख्ता गड्ढा बनाय बर श्रमदान करिस अउ गामीण मन ला सोख्ता गड्ढा बनाय बर प्रेरित करिस। ऊ कहिस कि पानी के बूंद-बूंद ला बचाय बर सबला आगे आना पडे़। निरंतर प्रयास ले हरियाली बहिनी नीर अउ नारी जल यात्रा एक दिन भी रुकिस नहीं चाहे गर्मी हो या बरसात हो, ये अभियान न रुकै वाला है, महिलायं के उत्साह ला देखके एहर लगत हे आने वाले गर्मी म परिणाम अच्छा आही। हरियाली बहिनी बड़े संख्या म पौधा लगाके ओकर वृक्ष बनाय बर काम करत हवे। महिलायं खुद पौधा लगावत हें। संग म दूसर मन ला भी प्रोत्साहित करत हें। ए दौरान हरियाली बहिनी अभियान के शिव कुमार देवांगन, जानिया साहू, सरपंच मनगटा बैजनाथ सिन्हा, सरपंच जोरातराई रमाकांत साहू, सरपंच मुड़ीपर मीणा साहू संग बिहान कैडर के अलावे पंचायत टीम, महिला समूह, ग्रामवासी उपस्थित रहिन।
