राष्ट्रीय एकता मजबूत होही अउ अलग-अलग राज्य के बीच आर्थिक अउ सांस्कृतिक आदान-प्रदान बढ़ही : मुख्यमंत्री
यूनिटी मॉल ले स्थानीय उत्पाद अउ रोजगार ल बढ़ावा मिलही
मुख्यमंत्री विष्णुदेव साय के अगुवई म राज्य सरकार डहर ले ओडीओपी (एक जिला एक उत्पाद) मॉडल ल बढ़ावा दे अउ प्रदेश म स्थानीय उत्पाद के बिक्री ल बढ़ावा दे के खातिर यूनिटी मॉल के स्थापना करे जात हावय।
यूनिटी मॉल के स्थापना ले स्थानीय हस्तशिल्पी, बुनकर अउ स्व-सहायता समूह ल प्रोत्साहित करे जाही अउ रोजगार के नवा मउका पैदा होही। मॉल म जिनीस के प्रदर्सन अउ बिक्री ले हस्तशिल्पी मन ल प्रोत्साहन मिलही अउ एखर फायदा प्रदेस के छोटे उद्यमी, शिल्पकार अउ बुनकर मन ल मिलही। ए ह स्थानीय उत्पाद के संवर्धन अउ बिक्री बर “वन-स्टॉप-मार्केट प्लेस” के रूप म काम करही।
मुख्यमंत्री ह किहीन कि यूनिटी मॉल प्रदेस के गरीब, युवा, खाद्य प्रदाता, अउ नारी सक्ति के विकास बर एक ठिन क्रांतिकारी कदम हे। एखर ले राज्य के अर्थव्यवस्था ल नवा उंचाई म ले जाय के संगेसंग स्थानीय स्तर म रोजगार सृजन ल घलो बढ़ावा मिलही। एखर ले मेक इन इंडिया अउ राष्ट्रीय एकता ल घलो बढ़ावा मिलही। मुख्यमंत्री ह किहीन कि छत्तीसगढ़ सरकार राज्य के लोगन मनके विकास के संगेसंग राष्ट्रीय एकता अउ मेक इन इंडिया ल अपन प्राथमिकता मानत हे। प्रदेस म बनाय जाने वाला यूनिटी मॉल म दूसर जम्मों राज्य के महत्वपूर्ण स्थानीय उत्पाद मन ल घलो प्रदर्सित करके बेचे जाही। एखर ले राष्ट्रीय एकता मजबूत होही अउ आने-आने राज्य के बीच आर्थिक अउ सांस्कृतिक आदान-प्रदान बाढ़ही।
मुख्यमंत्री ह किहीन कि प्रधानमंत्री नरेन्द्र मोदी के पहल म केन्द्र सरकार ह हस्तशिल्पी, बुनकर, स्व-सहायता समूह अउ स्थानीय लोगन मन ल प्रोत्साहित करे बर अउ स्थानीय स्तर म नवा रोजगार पैदा करे बर स्वस्थ पारिस्थितिकी तंत्र बनाय बर छत्तीसगढ़ सरकार के ए सुधार बर प्रधानमंत्री नरेन्द्र मोदी के पहल करे हे। यूनिटी मॉल-मंजूरी केन्द्र सरकार ह प्रदेस म यूनिटी मॉल के स्थापना बर दू सौ करोड़ रूपिया के मंजूरी दे देहे, जेमा ले सौ करोड़ रूपिया राज्य ल पूंजीगत व्यय के तहत पहिली ले दे गेहे।
वित्त मंत्री ओ.पी. चौधरी ह बतईन कि यूनिटी मॉल म स्थानीय हस्तशिल्प उत्पाद के संगेसंग फूड कोर्ट म स्थानीय व्यंजन मन ल बिसाय बर उपलब्ध कराय जाही। यूनिटी मॉल के माध्यम ले हरेक जिला के बिसेस उत्पाद ल वैश्विक बाजार तक पहुंचाय के योजना हे। यूनिटी मॉल बनाय के जिम्मेवारी रईपुर विकास प्राधिकरण ल सौंपे गेहे। यूनिटी मॉल ले न सिरिफ प्रदेस के स्थानीय कारीगर मनके आमदनी बाढ़ही, बल्कि छत्तीसगढ़ के सांस्कृतिक पहिचान घलो मजबूत होही। ओमन किहिन के मुख्यमंत्री विष्णुदेव साय के नेतृत्व म छत्तीसगढ़ सरकार के ये प्रयास ले छत्तीसगढ़ म एक मजबूत अउ स्थिर पारिस्थितिकी तंत्र बनही, जेकर ले ग्रामीण क्षेत्र म विकास अउ शहरी बाजार तक उत्पाद के पहुंच म मदद मिलही।
