मुख्यमंत्री विष्णुदेव साय के सादगी अउ सौहार्दपूर्ण गोठबात ह रेल यात्री मनके मनमोह लिन

65 बछर के रेखा ह मुख्यमंत्री ल भेंट करिन श्रीमद्भगवद गीता

4 साल के समायरा के आग्रह म मुख्यमंत्री ह दीस ऑटोग्राफ, नान्हें लइका ल दीस गजब आशीर्वाद

मुख्यमंत्री विष्णुदेव साय के रायपुर ले बिलासपुर रेल यात्रा के बखत सहजता अउ सादगी ह यात्री मनके दिल जीत लिस। यात्री मन ले सौहार्दपूर्ण चर्चा के बखत ओमन किहिन के मोर यात्रा के उद्देश्य ये जानना हावय के आम लोगन के मन म का हावय, सरकार ले उंकर इच्छा अउ अपेक्षा का हावय। ए दउरा ले ए जानबा के अच्छा मउका मिलही कि हमर सरकार के काम के बारे म लोगन मन का सोचत हे, अइसन म बिलासपुर बर रेल यात्रा करे ल चुने गीस। गोठबात के दउरान ओमन यात्री मनके हालचाल जानीन अउ सरकार के योजना मन ल प्रभावी ढंग ले लागू करे के बारे म गोठबात करीन।

पैंसठ बछर के रेखा पाली ले गोठबात के दउरान मुख्यमंत्री ह उंखर स्वास्थ्य के जानकारी लीन अउ आयुष्मान कार्ड के माध्यम ले सरकार डहार ले देवझ्या मुफत म इलाज के सुविधा के घलो उल्लेख करीन। ए विशेष मउका म रेखा ह मुख्यमंत्री ल श्रीमद्भगवत गीता के पाठ करिन।