441 लाख के लागत ले बनही सेंट्रल लाइब्रेरी
महिला अउ बाल विकास मंत्री लक्ष्मी राजवाड़े के विशेष प्रयास ले सूरजपुर जिला के युवाओं ला एक बड़िया सौगात मिले हवय। छत्तीसगढ़ शासन ने वित्तीय वर्ष 2025-26 में सूरजपुर मं सेंट्रल लाइब्रेरी अउ रीडिंग जोन के निर्माण खातिर 441.49 लाख रूपिया के प्रशासकीय स्वीकृति दे दीस। ई अत्याधुनिक सेंट्रल लाइब्रेरी 250 सीट के क्षमता संग विकसित होही, जिहां डिजिटल अध्ययन सामग्री, ई-लर्निंग संसाधन, शांति रीडिंग जोन, इंटरनेट सुविधा अउ पुस्तकालय प्रबंधन खातिर आधुनिक तकनीक के समावेश होही। येकर लाभ स्कूली विद्यार्थियों ले लेकर प्रतियोगी परीक्षाओं के तैयारी करइया युवाओं अउ साहित्य प्रेमियों तक मिली। मंत्री राजवाड़े ने ये महत्वपूर्ण स्वीकृति खातिर मुख्यमंत्री विष्णु देव साय अउ वित्त मंत्री ओपी चौधरी के प्रति आभार प्रकट करत कंहे कि ये लाइब्रेरी सिरिफ भवन नई, बल्किन हमर युवाओं के उज्ज्वल भविष्य के बुनियाद होही। ये ज्ञान आधारित समाज के ओर एक सशक्त कदम हवय।
उंकर ये घलो कहे कि ये पहल शैक्षणिक सशक्तिकरण, क्षेत्रीय संतुलन अउ अध्ययनशील वातावरण के मजबूती मं मील के पत्थर साबित होही। ये निर्णय ले सूरजपुर जिला मं हर्ष के लहर है। विद्यार्थी, अभिभावक अउ स्थानीय नागरिक मन ए पहल ले मंत्री लक्ष्मी राजवाड़े के आभार जताए हंय अउ एकरे के जिला के शैक्षणिक विकास के दिशा मं ऐतिहासिक कदम बताइस।
