36 गढ़ीFEATUREDLatestदेश विदेसमनोरंजनविविध

ठेकेदार सुरेश चंद्राकर के पंजीयन तुरते प्रभाव ले निलंबित

दे गे सबो काम ल लोक निर्माण विभाग डहार ले निरस्त कर दे गेहे

पीडब्ल्यूडी-पंजीयन लोक निर्माण विभाग डहार ले बीजापुर के ठेकेदार सुरेश चंद्राकर के पंजीयन ल तुरते प्रभाव ले निलंबित करके ओला दे गे जम्मों काम ल निरस्त कर दे गेहे। बस्तर रेंज जगदलपुर के संभागीय मुख्य अभियंता के अनुशंसा म सुरेश चंद्राकर के पंजीयन ल मुख्य अभियंता कार्यालय डहार ले निलंबित कर दे गेहे। मुख्य अभियंता ह बीजापुर के पत्रकार मुकेश चंद्राकर हत्याकांड म लोक निर्माण विभाग म पंजीकृत सुरेश चंद्राकर ‘ए’ श्रेणी के ठेकेदार के समाचार पत्र म प्रकाशन अउ उंखर गिरफ्तारी के सेती मुख्य आरोपी के रूप म पंजीयन स्थगित करे के अनुशंसा करे रिहीन

मुख्य अभियंता के अनुशंसा ल धियान म राखत विभाग ह सुरेश चंद्राकर के पंजीयन ल तुरते प्रभाव ले निलंबित कर देहे। एखरे संग सड़क बनाय के काम लंबा बेरा ले बंद रेहे अउ काम के धीमा गति के सेती सुरेश चंद्राकर ल दे गे जम्मों काम ल निरस्त कर दे गेहे।