36 गढ़ीFEATUREDLatestUncategorizedदेश विदेसमनोरंजनविविध

मोदी जी के गारंटी के मुताबिक हर वर्ग ले जुड़े वादा ल पूरा करे हावय : मुख्यमंत्री

हमर सरकार विकास के दौड़ म वन क्षेत्र ल आगू लाये के खातिर दृढ़ संकल्पित हावय : मुख्यमंत्री

गरियाबंद म 338 करोड़ रूपिया के लागत के 193 विकास बुता के लोकार्पणअंजोर.गरियाबंद म 338 करोड़ रूपिया के लागत के 193 विकास बुता के लोकार्पणअंजोर.गरियाबंद म 338 करोड़ रूपिया के लागत के 193

बेलात नाला म पुल निर्माण, 36 गउठान ल मिलही यातायात के सुविधा

प्रधानमंत्री-प्रधानमंत्री जनमन योजना प्रधानमंत्री नरेन्द्र मोदी ह पीएम जनमन योजना के माध्यम ले बिसेस पिछड़ी जनजाति के लोगन मनके जिनगी म विकास के प्रकास लाय बर एक ठिन बड़का पहल करे हे। पीएम जनमान योजना के माध्यम ले बिसेस पिछड़ी जनजाति के लोगन मुख्यधारा म सामिल होवत हे। गरियाबंद विशाल वन क्षेत्र अउ प्राकृतिक सुंदरता ले भरपूर जिला हावय। इहां बड़ संख्या म विशेष पिछड़ी जनजाति निवास करत हावयं, जेकर विकास के खातिर सरकार प्रतिबद्ध हावय। हमर सरकार मोदी के गारंटी के हर वादा ल पूरा करत हावय। ए बात मुख्यमंत्री साय ह आज गरियाबंद जिला के पुलिस परेड मैदान म राखे गे आमसभा ल संबोधित करत किहीन।

ए मउका म मुख्यमंत्री ह तीन सौ अड़तीस करोड़ रूपिया के एक सौ तिरानवे परियोजना के लोकार्पण अउ भूमिपूजन करीन। एमा एक सौ उन्नीस करोड़ रूपिया के चवालीस ठिन परियोजना के लोकार्पण अउ दू सौ उन्नीस करोड़ रूपिया के एक सौ उनचास परियोजना के भूमि पूजन सामिल हे।

कार्यक्रम ल संबोधित करत मुख्यमंत्री ह किहिन के पीएम जनमन योजना के तहत गरियाबंद म हमर कमार जनजाति के लोगन के खातिर 2 हजार 528 ले जादा घर के स्वीकृति दे गे हावय। गरियाबंद जिला म ही ए योजना के माध्यम ले अंठावन करोड़ रूपिया के लागत ले उनचास ठिन सड़क बनाय जावत हे। सड़क पूरा होय ले अब कमार जनजाति के बस्ती मन ल मुख्यधारा ले जोड़े जाही, कमार जनजाति के लइका मन ल अब आसानी ले उच्च शिक्षा मिल सकही। एम्बुलेंस जरूरत पड़े म आसानी ले बस्ती तक पहुंच सकही।

मुख्यमंत्री साय ह किहिन के जब हमन राजिम म कुंभ मेला के आयोजन सुरू करिन तब त्रिवेणी संगम के ए शहर म देशभर ले संत मनके भीड़ जुटे रिहिस। राजिम के प्रसिद्धि अउ बाढ़थे। दुर्भाग्य ले पाछु सरकार ह एखर गरिमा ल कम कर देहे। हमर सरकार ह एला फेर उही भव्य रूप म सुरू करे हावय। राजिम कुंभ के आयोजन अवइया महीना फेर करे जाही। ए बखत भी हम पूरा भव्यता के संग ए सुंदर आयोजन के आयोजन करबो। राजिम म संत-समागम होही अउ हम सबो ल ए सत्संग के लाभ मिलही।

मुख्यमंत्री ह बतईन कि सिकासर कोडार लिंक परियोजना के सर्वे के काम तेजी ले चलत हे। 112 किलोमीटर भूमिगत नहर लाइनिंग के पूरा होए म गरियाबंद जिला के हजारों किसान मनला लाभान्वित करे जाही। सुपेबेड़ा के किडनी के मरीज मन बर डायलिसिस के सुविधा बर जिला मुख्यालय अउ देवभोग म डायलिसिस सेंटर सुरू करे गे हावयं। स्वास्थ्य विभाग ल ये समस्या के स्थायी समाधान बर अनुसंधान करे के निर्देश दे गेहे।

मुख्यमंत्री ह जिला प्रसासन डहार ले करे गे अभिनव काम के तारीफ करत किहीन कि प्रधानमंत्री नरेन्द्र मोदी ह मां के नाव म पेड़ लगाय के अभियान सुरू करीन। एके दिन म गरियाबंद के माता-बहिनी मन ह सत्यासी हजार ले जादा पौधा लगाके लिम्का बुक ऑफ वल्ड रिकार्ड म अपन नाव दरज कराय हे। येकर खातिर सबो माता-बहिनी ल बहुत-बहुत बधाई। ओमन बतईन कि दसवीं अउ बारहवीं बोर्ड परीक्षा म बढ़िया परिणाम बर इहां गौरव गरियाबंद अभियान चलाय जात हे। डिजिटल कक्षा अउ स्टूडियो के माध्यम ले तको पढ़ईया लइका ल पढ़ाये जात हावय, ये एक अच्छा पहल हावय।

जिला के प्रभारी मंत्री अउ खाद्य मंत्री दयाल दास बघेल, महासमुंद सांसद रूपकुमारी चौधरी, राजिम विधायक रोहित साहू ह घलो कार्यकम ल संबोधित करीन। ए मउका म जनप्रतिनिधि अउ बड़ संख्या म ग्रामीण उपस्थित रिहिस।