मुख्यमंत्री विष्णुदेव साय ह बीजापुर के पत्रकार मुकेश चंद्राकर के दुखद निधन म दुख जतावत शोक संतप्त परिवार के सदस्य मन के प्रति अपन संवेदना प्रकट करे हावय। मुख्यमंत्री ह ए घटना के जांच के आदेस दीन हे।
मुख्यमंत्री विष्णुदेव साय ह किहिन के बीजापुर के युवा अउ समर्पित पत्रकार मुकेश चंद्राकर के हत्या के खबर गजब दुखद अउ दिल दहला देवइया हावय। मुकेश जी के निधन पत्रकारिता अउ समाज जगत के खातिर अपूरणीय क्षति हावय। ए घटना के अपराधी ल कोनों भी परिस्थिति म बख्शे नइ जाही। मुख्यमंत्री ह किहीन कि अपराधी मन ल जल्दी ले जल्दी गिरफ्तार करे अउ ओमन ल कड़ा सजा देके निरदेस दे गेहे। ओमन ईश्वर ले प्रार्थना करिन के दिवंगत आत्मा ल उंकर चरण म जगह दे अउ शोक संतप्त परिवार ल दुख के ए घड़ी म शक्ति प्रदान करें।
