36 गढ़ीFEATUREDLatestUncategorizedराजनीतिराष्ट्रीयविविध

मुख्यमंत्री विष्णुदेव साय ह किहीन कि राजिम कुंभ कल्पा छत्तीसगढ़ के समृद्ध परंपरा अउ संस्कृति ल देखाय के माध्यम बनही।

मुख्यमंत्री ह राजिम कुंभ कल्प के तियारी के संबंध म उच्च स्तरीय समीक्षा बइठक लीन।

राजिम कुंभ कल्पा 2025 : अध्यात्म अउ संस्कृति के भव्य समारोह

राजिम कुंभ कल्पा के आयोजन 12 ले 26 फरवरी तक होही
छत्तीसगढ़ के प्रयाग के नाम ले प्रसिद्ध राजिम म 12 फरवरी ले 26 फरवरी 2025 तक भव्य कुंभ कल्पा के आयोजन करे जाही। ए बछर नवा प्रस्तावित बावन एकड़ मेला जघा म अनूठा धार्मिक अउ सांस्कृतिक कारीकरम होही। मुख्यमंत्री विष्णुदेव साय ह आज मंत्रालय महानदी भवन के सभाकक्ष म राजिम कुंभ कल्पा के तइयारी के संबंध म उच्च स्तरीय समीक्षा बइठक लिस। ओमन शाही स्नान, गंगा आरती, संत समागम सहित कुंभ कल्पा के प्रमुख आयोजन अउ श्रद्धालु मन के खातिर सुविधाजनक बेवस्था सुनिश्चित करे के बात किहिन।
मुख्यमंत्री ह किहिन के राजिम कुंभ कल्प 2025 धर्म, आस्था अउ संस्कृति के अद्भुत संगम होही अउ ये छत्तीसगढ़ के समृद्ध परंपरा अउ संस्कृति के प्रदर्शन के एक सुंदर माध्यम तको हावय।

मुख्यमंत्री ह राजिम कुंभ कल्पा के आयोजन म सामिल जम्मों विभाग अउ प्रसासनिक अमला ल एक-दूसर के समन्वय ले काम करे के निरदेस दीन। ओमन श्रद्धालु मनके अवई-जवई के बेवस्था, सुरक्षा उपाय अउ साफ-सफई उपर बिसेस धियान दे बर किहीन। ओमन किहिन के ए आयोजन ल सफल बनाके एला छत्तीसगढ़ के पहचान के रूप म स्थापित करना हम सबो के जिम्मेदारी हावय। ओमन इक्कीस फरवरी के जानकी जयंती अउ छब्बीस फरवरी के होवइया शाही स्नान के मउका म इक्कीस फरवरी के माघी पुन्नी स्नान, संत समागम के तियारी उपर बिसेस धियान दे बर किहीन।
अपर मुख्य सचिव सुब्रत साहू ह मुख्यमंत्री साय ल राजिम कुंभ कल्प 2025 के आयोजन ले संबंधित महत्वपूर्ण जानकारी दीस। ओमन पीपीटी के माध्यम ले कार्यक्रम स्थल म आने-आने गतिविधी बर निर्धारित जगह के जानकारी दीस। ओमन कुंभ कल्प म नागरिक सुविधा, संत मनके अवई-जवई, शाही स्नान अउ गंगा आरती के संबंध म विभाग के तियारी के जानकारी दीन।