अवैध शराब के निर्माण, परिवहन अउ बिक्री म प्रभावी नियंत्रण के खातिर कड़ा कार्रवाई करे जाए : मुख्यमंत्री
सीमावर्ती जिला म बनाये आबकारी चेक पोस्ट ल क्रियाशील रखें
डिस्टिलरी, बॉटलिंग यूनिट, होटल, बार, क्लब के नियमित सघन जांच सुनिश्चित करे जाए।
महुआ कलेक्टर मनके आमदनी बढ़ाये के उद्देश्य ले आन राज्य के महुआ नीति के अध्ययन करे के निर्देश
मुख्यमंत्री ह आबकारी विभाग के बुता के समीक्षा करिन।
मुख्यमंत्री विष्णुदेव साय ह प्रदेस म अवैध सराब के निर्माण, कब्जा, परिवहन अउ बेचे उपर प्रभावी नियंत्रण बर आबकारी विभाग के अधिकारी मन ल पुलिस विभाग के समन्वय ले कड़ा कार्रवाई करे के निरदेस दीन हे। ओमन कीहिन कि प्रदेश के सीमावर्ती जिला मन म स्थापित आबकारी चेक पोस्ट ल चालू राखे जाय। राज्य म स्थित डिस्टिलरी, बॉटलिंग यूनिट, होटल, बार, क्लब के नियमित सघन जांच सुनिश्चित करे जाए। मुख्यमंत्री श्री साय ह ये निर्देश आज मंत्रालय महानदी भवन म आबकारी विभाग के बुता के समीक्षा बइठक के बखत दिस।
मुख्यमंत्री ह किहिन के प्रदेश म देशी दारू के नवा बॉटलिंग यूनिट के खातिर मिले आवेदन म नियम के मुताबिक तुरते कार्यवाही करके छत्तीसगढ़ के बाहिर निर्मित करे जाए।
