कलेक्टर मन ल जरूरी सुरक्षा बेवस्था सुनिश्चित करे के निर्देश दे गिस।
मुख्यमंत्री-धान सुरक्षा मुख्यमंत्री विष्णुदेव साय ह तमिलनाडु के चक्रवाती तूफान फंगल ल देखत प्रदेस म बरसा होय के संभावना ल देखत अधिकारी मन ल धान ल बरसा ले बचाय बर ऐहतियाती उपाय करे के निरदेस दीन हे।
खाद्य मंत्री दयालदास बघेल ह जम्मों जिला के कलेक्टर मन ल धान ल बरसा ले बचाय बर पर्याप्त बेवस्था करे के निरदेस दीन हे।
खाद्य मंत्री श्री बघेल ह किहिन के समर्थन मूल्य म धान खरीदी हमर सरकार के सर्वोच्च प्राथमिकता हावय। मुख्यमंत्री विष्णुदेव के अगुवई म छत्तीसगढ़ म चौदह नवंबर ले धान खरीदी के अभियान चलत हे। धान खरीदी प्रदेस म अब तक अट्ठारह लाख नौ हजार मीटरिक टन धान के खरीदी करे जा चुके हे। प्रदेस म अब तक तीन लाख पच्यासी हजार किसान मन ह अपन धान बेचे हे। धान खरीदी के एवज म ए किसान मन ल बैंक लिंकिंग बेवस्था के तहत सैंतीस सौ छह करोड़ उनसठ लाख रूपिया के भुगतान करे गेहे। धान खरीदी के ये अभियान 31 जनवरी 2025 तक चलही। खरीफ बछर बर सत्ताईस लाख अड़सठ हजार किसान मन ह पंजीयन कराय हे। एमा एक लाख पैंतालीस हजार नवा किसान सामिल हे।
खाद्य मंत्री बघेल ह बताइन के राज्य सरकार डहर ले प्रदेश के पंजीकृत किसान मन ले समर्थन कीमत म धान पूरा प्रतिबद्धता के संग खरीदे जात हावय। किसान मन के हित ल धियान म रखत उपार्जन केन्द्र म माइक्रो एटीएम ले 2 हजार ले 10 हजार रूपिया तक के रकम निकाले के सुविधा उपलब्ध कराये गे हावय, प्रदेश के सबो 2058 सहकारी समिति म माइक्रो एटीएम उपलब्ध कराये गे हावय। एमा मेटाडोर उक के किराया देके सुविधा दे जावत हे। मुख्यमंत्री के ए फइसला ले किसान मन बहुत खुश हावयं। ओमन बतईन कि दूसर राज्य ले धान के अवैध आवक अउ परिवहन ल रोके बर सीमावर्ती क्षेत्र मन म बिसेस निगरानी राखे बर चेक पोस्ट बनाय गेहे। धान खरीदी बेवस्था के निगरानी बर अलग-अलग जिला बर राज्य स्तर के बड़का अधिकारी मनके टीम बनाय गेहे, जउन मन एखर सरलग निगरानी करत हे।
आप मन पढ़तहव छत्तीसगढी न्यूज़ पोर्टल 36गढ़ी.com
