कृषक उन्नति योजना : किसान मनके तरक्की बर खुलिस दरवाजा

मुख्यमंत्री विष्णुदेव साय के अगुवई म छत्तीसगढ़ के किसान मन के प्रगति के रद्दा आसान होगे हावय। आरंग विकासखंड के गांव अमोड़ी निवासी करण मानिकपुरी किसान परिवार के हावय। ओमन कहे हे कि मुख्यमंत्री विष्णुदेव साय के अगुवई म सरकार म किसान मन ल आर्थिक मजबूती मिलत हे अउ किसान मन घलो बहुत प्रगति करत हे।

मानिकपुरी के कहना हावय के कृषक उन्नति योजना के तहत रकम मिले ले लइका मनके भविष्य के चिंता दूरिहा हो गे हावय। उहें, लइका मन ल अच्छा स्कूल म बढ़िया सिक्षा मिलत हे। एखर संगेसंग लइका मन ल घर ले स्कूल जाय बर गाड़ी के सुविधा घलो सुरू करे गेहे। लइका मनके भविष्य बर एलआईसी घलो करे गेहे। येकर ले उंकर भविष्य सुरक्षित होवत हावय। धान खरीदी छत्तीसगढ़ सरकार डहार ले इकतीस सौ रूपिया कुंटल के दर ले धान के खरीदी करे जात हे। एखर ले खेती ल आगू बढ़ाय म मदद मिलत हे अउ फसल ल सुरक्षित राखे बर जल्दीच खेत म फेंसिंग घलो करे जाही। ओमन यहू कहे हे कि अवइया बेरा म किसान उन्नति योजना के तहत पइसा मिले के बाद खेत म बोरिंग करके जादा ले जादा फसल के उत्पादन कर सकही।

मानिकपुरी के कहना हावय के धान खरीदी केन्द्र म बढि़या सुविधा उपलब्ध कराये गे हावय। संगेसंग टोकन के सुविधा घलो आसान होगे हे। एखर ले हमर जइसन किसान मन ल अब्बड़ फायदा होवत हे। मानिकपुरी ह एखर बर मुख्यमंत्री विष्णुदेव साय ल धन्यवाद दीन।

आप मन पढ़तहव छत्तीसगढी न्यूज़ पोर्टल 36गढ़ी.com