छत्तीसगढ़ म युवा मन ल सरलग सरकारी नौकरी के मउका मिलत हे

मुख्यमंत्री के निर्देश म एनआरडीए म 96, एफएसएल म 28 अउ विद्युत निरीक्षक कार्यालय म 27 पद म भरती के रद्दा साफ कर दे गे हावय।

प्रदेस म अब तक आने-आने विभाग मन म नवासी सौ ले जादा पद बर भर्ती प्रक्रिया सुरू होगे हे।

युवा भर्ती छत्तीसगढ़ सरकार के आने-आने विभाग म युवा मनके भर्ती के प्रक्रिया बड़ पैमाना म सुरू होगे हे। मुख्यमंत्री विष्णुदेव साय के पहल म वित्त विभाग डहर ले अब तक लगभग 19 विभाग म 8971 पद म भरती के खातिर अपन स्वीकृति दे दे गे हावय। मुख्यमंत्री साय के मंशा के मुताबिक विभाग मन म भरती के प्रक्रिया सरलग जारी रइही।

मुख्यमंत्री साय के पहल म वित्त विभाग डहार ले नवा रायपुर अटल नगर विकास प्राधिकरण म छियानवे, विद्युत निरीक्षक कार्यालय म सत्ताईस अउ फॉरेंसिक विज्ञान प्रयोगशाला-एफएसएल म वैज्ञानिक अधिकारी के खाली अट्ठाईस पद म भर्ती के मंजूरी दे गेहे। अइसन म तीनों विभाग म कुल एक सौ इक्यावन आने-आने पद म भर्ती बर रद्दा साफ होगे हे।