हमर सरकार राज्य म खेल के विकास अउ प्रतिभावान खिलाड़ी मन के बड़वार बर प्रतिबद्ध हे : मुख्यमंत्री

मुख्यमंत्री ह कोटबा म अपेक्स बैंक खोले के घोसना करिस।

पीएचसी बागबहार ल 30 बिस्तर म अपग्रेड करे जाही

ओपन चैलेंज ट्रॉफी फुटबॉल प्रतियोगिता के समापन समारोह म सामिल होइस मुख्यमंत्री

मुख्यमंत्री विष्णुदेव साय ह आज जशपुर जिला के पत्थलगांव तहसील के ग्राम बागबहार मिनी स्टेडियम म राखे गे तैंतीसवां ओपन चैलेंज ट्रॉफी फुटबॉल प्रतियोगिता के समापन समारोह म सामिल होईन। ए मउका म मुख्यमंत्री ह प्राथमिक स्वास्थ्य केन्द्र बागबहार के दस बिस्तर वाले अस्पताल ल तीस बिस्तर म अपग्रेड करे के घोसना घलो करीन। ओमन बागबहार के शिव मंदिर के तीर तालाब के सौंदर्यीकरण, विश्राम गृह निर्माण, बागबहार चौक-चौराहा म हाई मास्क लगाय, मिनी स्टेडियम म जरूरी सुविधा विकसित करे अउ कोटबा म अपेक्स बैंक खोले के घोसना करीन।
समापन समारोह ल संबोधित करत मुख्यमंत्री श्री विष्णुदेव साय ह ए प्रतियोगिता के सफल आयोजन के खातिर आयोजक अउ खिलाड़ी ल बधाई देत किहिन के हमर सरकार प्रदेश म खेल के विकास के खातिर प्रतिबद्ध हावय।