आरटीआई आवेदन करइया ल ऑनलाईन जानकारी देवइया छठवां राज्य छत्तीसगढ़

भारत म छत्तीसगढ़ छठवां राज्य हावय, आवेदन करइया अपन आवेदन ऑनलाईन के प्रक्रिया के तहत तीन स्तर म (जनसूचना अधिकारी, पहिली अपीलीय अधिकारी अउ दूसरइया अपील) देके जानकारी पा सकत हावय। छत्तीसगढ़ शासन के डहर ले आयोग बर rtionline.cg.gov.in वेबसाईट तइयार कराइन गे हावय, जेमा आवेदन करइया अपन आवेदन जनसूचना अधिकारी, पहिली अपीलीय अधिकारी अउ आयोग के तीर दूसरइया अपील ऑनलाईन प्रेषित कर सकहीं। राज्य सूचना आयोग म सूचना के अधिकार अधिनियम 2005 के अन्तर्गत ऑनलाईन वेबपोर्टल (rtionline.cg.gov.in) के साफ्टवेयर के लोकार्पण 12 अक्टूबर 2022 के मंझनिया 12 बजे करे जाही।
राज्य मुख्य सूचना आयुक्त एम के राउत ह बताइन के माननीय सर्वोच्च न्यायालय डहर ले प्रकरण क्रमांक 1040/ 2019 प्रवासी लीगल सेल बनाम भारत संघ अउ आन म छत्तीसगढ़ शासन के तको नोटिस जारी करे गे रिहिस के सूचना के अधिकार अधिनियम, 2005 के तहत आवेदन प्राप्ति बर ऑनलाईन पोर्टल बनाये। केन्द्रीय सूचना आयोग डहर ले अउ कुछ राज्य म ऑनलाईन बेवपोर्टल बनाये गे हावय, जेकर डहर ले सूचना के अधिकार अधिनियम, 2005 के तहत आवेदन करइया जनसूचना अधिकारी/प्रथम अपीलीय अधिकारी अउ दूसरइया अपील आवेदन के ऑनलाईन प्रेषित कर सकत हावयं। जरूरी ये हावय के संग ही अधिनियम के तहत वांछित शुल्क तको ऑनलाईन जमा कर सकत हावयं।

आयोग म दूसरइया अपील प्रस्तुत करे बर पोर्टल म आवेदन करइया स्वयं के रजिस्ट्रेशन करे के बाद जनसूचना अधिकारी, पहिली अपीलीय अधिकारी अउ आयोग म दूसरइया अपील ऑनलाईन भेज सकत हावयं। ओमन बताइन के राज्य के दूरदराज क्षेत्र के नागरिक के येकर लाभ मिल सकही। आवेदन करइया आवेदन आनलाईन अपलोड करे के संग-साथ ऑनलाईन शुल्क जमा कर सकत हावय। येकर ले आवेदन करइया ल नॉन ज्यूडिशियल स्टाम्प/बैंक ड्राफ्ट/पोस्टल आर्डर/मनीआर्डर करे के जरूरत नइ होही। संग ही विभागीय कार्यालय म स्वयं आके आवेदन जमा करे या डाक के माध्यम ले आवेदन भेजे के तको जरूरत नइ होही।

राउत ह बताइन के ऑनलाईन शुल्क जमा करे के खातिर आवेदन करइया के तीन ऑप्शन दे गे हावयं। नेट बैंकिग के दुवार, डेबिट/क्रेडिट कारड के डहर ले या क्यू.आर. कोड के मदद ले कोनो तको यूपीआई के माध्यम ले स्केन करके शुल्क जमा कर सकत हावयं। छत्तीसगढ़ के सबो विभाग के जनसूचना अधिकारी अपन रजिस्ट्रेशन इही पोर्टल म ऑनलाईन करके सकत हावयं। संग ही पहिली अपीलीय अधिकारी अउ नोडल अधिकारी के विवरण भरके संबंधित ल अग्रेषित कर सकत हावयं। संबंधित पहिली अपीलीय अधिकारी अउ नोडल अधिकारी के वेरिफिकेशन करना होही, उंकर बाद रजिस्ट्रेशन पूरा हो जाही।

राज्य मुख्य सूचना आयुक्त ह बताइन के जनसूचना अधिकारी के रजिस्ट्रेशन होए ले आवेदन करइया भविष्य म जनसूचना अधिकारी के ऑनलाईन आवेदन भेज सकही संग ही ऑनलाईन शुल्क जमा कर सकही। अभी के बेरा म 517 कार्यालय के जनसूचना अधिकारी मनके रजिस्ट्रेशन पूरा हो जाये ले 517 कार्यालय म जनसूचना अधिकारी मनके तीर आवेदन करके सकत हावयं। ए पोर्टल म दस्तावेजी शुल्क के मांग आवेदन करइया ले ऑनलाईन करे जा सकही अउ आवेदन करइया डहर ले ऑनलाईन ही दस्तीवेजी शुल्क जमा तको कर सकही। ए पोर्टल के माध्यम ले आवेदन करइया शिकायत तको ऑनलाईन के जा सकत हावय। पोर्टल के माध्यम ले ही अवइया सुनवाई के जानकारी, दस्तावेजी शुल्क जमा करे के जानकारी दीस ऑनलाईन ही मिले होही। आयोग के फइसला पहिली तको आयोग के वेबसाईट म अपलोड होत हावयं, अब ये नवा पोर्टल म ऑनलाईन अपलोड होही जेन आवेदन करइया अपन डेशबोर्ड म देख सकही।

जानबा होवय के राज्य सूचना आयोग म सूचना के अधिकार अधिनियम 2005 के अन्तर्गत ऑनलाईन वेबपोर्टल (rtionline.cg. gov. in) के साफ्टवेयर के बनाये एन आये सी (राष्ट्रीय सूचना विज्ञान केन्द्र मंत्रालय रायपुर) के डहर ले तइयार करे गे हावय।

Leave a Reply

Your email address will not be published. Required fields are marked *