छत्तीसगढ़ म सराबबंदी के तइयारी,

दुसर राज्य के दउरा कर रिपोर्ट तइयार होहि

छत्तीसगढ़ म पुरा सराब बंदी लागु करे के संबंध म राज्य के प्रमुख राजनइतिक दल के विधायक मन के राजनैतिक समिति के तीसरा बइठक नवा रइपुर के वाणिज्य कर अउ जीएसटी भवन के आबकारी आयुक्त कार्यालय म विधायक सत्यनारायण शर्मा के अध्यक्छता म संपन्न होइस। बइठक म समिति के अध्यक्छ विधायक शर्मा ह बताया कि राजनइतिक समिति म सदस्य के रूप म सामिल करे बर भाजपा अउ जेसीजे के 2-2 नाव मांगे गेय रहिस। फेर दुन्नो पार्टी के विधायक के नाव देय ले मना कर दिस। ये संबंध म प्राप्त पत्र के जानकारी सदस्य मन ल देय गिस।
अध्यक्छ शर्मा ह बताइस कि पुरा सराबबंदी करे बर आवस्यक तइयारी के अध्ययन बर दल के गठन करे जाहि। अध्ययन दल ह दुसर राज्य जिहां वरतमान म पुरा सराब बंदी लागु हे, अइसे राज्य जिहां पुरा सराब बंदी लागु हे। फेर बाद म सराब के बिक्री एक घंव फेर सुरू करे गेय हे। अउ देस के एक अनुसुचित जनजाति बाहुल्य राज्य के अध्ययन भरमन कर रिपोरट तइयार करहि।
येकर बर संबंधित राज्य ल अवगत करा के अनुमति लेय जाहि। येकर बर संबंधित राज्य ल अवगत कराके अनुमति लेय जाहि। अनुमति मिले के बाद अध्ययन भरमन बर कार्यक्रम बनाय जाहि।
बइठक म सदस्य मन राज्य म अवैध दारू बिक्री उपर प्रभावी नियंत्रन करे बर सुझाव देय गिस। संग ही अवैध दारू के जब्ती उपर बनाय जाने वाला पंचनामा म संबंधित गांव के सरपंच, ग्राम पटेल, कोतवाल अउ समाज प्रमुख/प्रबुद्ध मनखे के पंचनामा म ओखर हस्ताक्षर अनिवार्य करे के सुझाव देय गिस। बइठक म सदस्य मन दारु दुकान म सीसीटीवी कैमरा सरलग चालु राखे, सराब के अलावा दुसर वैकल्पिक नसा उपर सही नियंत्रन म, विभागीय टोल फ्री नंबर 14405 म मिले सिकायत के तुरते करे के सुझाव देय गिस।
आबकारी आयुक्त निरंजन दास ह पहिली बइठक के कार्यवाही विवरन अउ पालन प्रतिवेदन ले अवगत कराइस। बइठक म समिति के सदस्य संसदीय सचिव रश्मि सिंह, शिशुपाल सोरी, कुंवर सिंह निषाद, विधायक केशव चंद्रा, उत्तरी जांगड़े, द्वारकाधीश यादव, धनेश्वर साहू, पुरुषोत्तम कवर आबकारी विभाग के अधिकारी उपस्थित रहिन।

Leave a Reply

Your email address will not be published. Required fields are marked *