स्वामी आत्मानंद उत्कृष्ट विद्यालय योजना

राज्य के 422 स्कूल म लागु होहि स्वामी आत्मानंद उत्कृष्ट विद्यालय योजना : मुख्यमंत्री भूपेश बघेल

10 हजार शिक्षक भर्ती के प्रक्रिया सुरू

मुख्यमंत्री भूपेश बघेल ह देश के आजादी के 75वीं वर्षगांठ के पावन अउ गउरवसाली अवसर म राजधानी रायपुर के पुलिस परेड मइदान म ध्वजारोहन करे के बाद प्रदेशवासी के स्वतंत्रता दिवस के बधई अउ सुभकामना दिस। मुख्यमंत्री ह ये अवसर म राज्य के छात्र मन ल अच्छा अउ गुणवत्तापुरन सिक्छा मुहैया कराय के बड़का सउगात दिस। वोहा राज्य म अवइया सिक्छा सत्र के पहिली राज्य के 422 स्कुल म स्वामी आत्मानंद उत्कृष्ट विद्यालय योजना लागु करे के घोसना करिन, जेमा 252 स्कुल बस्तर अउ सरगुजा संभाग म होहि।
मुख्यमंत्री ह कहिन कि दंतेवाड़ा जिला के सब्बो सरकारी हाई स्कुल अउ हायर सेकेण्डरी स्कुल के स्वामी आत्मानंद उत्कृष्ट विद्यालय के रूप देय जाहि। वोहा कहिन कि सिक्छा के क्षेत्र म हमन सुधार के स्थायी उपाय करेन, जेकर तहत पहिली चरन म 14 हजार ले जादा सिक्छक के स्थायी भर्ती के काम सुरु करबो, जउन आखिरी चरन म हे। येकर अलावा 10 हजार सिक्छक भर्ती के प्रक्रिया घलो सुरू करे गेय।

मुख्यमंत्री ह कहिन कि ‘स्वामी आत्मानंद उत्कृष्ट विद्यालय योजना’ ले स्कुली सिक्छा कके क्षेत्र म एक नवा क्रांति आय हे। येमा 32 स्कुल हिंदी माध्यम के हे अउ 247 स्कुल  हिंदी के संग अंग्रेजी माध्यम के घलो सिक्छा देय जात हे। ये बछर 2 लाख 52 हजार 600 लइका मन ये स्कुल म भर्ती होय हे। जेमा 1 लाख 3 हजार लइका अंग्रेजी माध्यम अउ 1 लाख 49 हजार 600 लइका हिंदी माध्यम के हरय। ये योजना के सफलता ल देखत हुए हमन निरनय लेय हन कि जादा ले जादा स्कुल ये योजना के तहत आवय। अवइया सिक्छा सत्र के पहिली 422 स्कुल म ये योजना लागु होहि, जेमा 252 स्कुल बस्तर अउ सरगुजा संभाग म होहि अउ येमा दंतेवाड़ा जिला के सब्बो सरकारी हाई अउ हायक सेंकडरी स्कुल होहि। अपना वादा ल निभात हुए हमन नवा रायपुर में अंतर्राष्ट्रीय स्तर के बोर्डिंग स्कुल खोले के प्रक्रिया सुरु होगे हे।
मुख्यमंत्री कहिन कि लइका ल ओखर महतारी भाखा म ही सुरु ले सिक्छा प्रदा करे बर हिंदी के अलावा 16 स्थानीय भासा म अउ 4 पड़ोसी राज्य के भाखा म पाठ्य पुस्तर छपवायी करवाय हन। निसुल्क पाठ्य पुस्तक योजना के तहत कक्छा पहिली ले दसवीं तक सब्बो सरकारी अउ कक्छा आठवीं तक मदरसा के लइका मन लगभग 52 लाख पाठ्य पुस्तक प्रदान करे जात हे। नवमी कक्छा म पढ़हइया 1 लाख 55 हजार नोनी मन ल ये बछर फोकट म साइकिल देय के लक्ष्य हे।
स्कुली सिक्छा ल रोजगारमूलक बनाय बर ओखर आईटीआई के संग समन्य करे गेय हे। ताकि स्कुली स्कुली सिक्छा अउ आईटीआई प्रसिक्छित होय के प्रमाण पत्र एक संग मिल सकय। ये योजना  तहत 114 हायर सेकेंडरी स्कुल ल जोडे जा चुके हे। उच्च सिक्छा के गुणवत्ता म सुधार बर 1 हजार 459 सहायक प्राध्यापक, क्रीडा अधिकारी अउ ग्रंथपाल के नियुक्ति करे गेय हे। अतिथि व्याख्याता के मानदेय बाढ़य गेय हे। सब्बो जिला म कन्या महाविद्यालय खोले जाहि। मुंगेली म नवा कन्या महाविद्यालय सुरु करे गेय हे।

Leave a Reply

Your email address will not be published. Required fields are marked *