जशपुर म चाय अउ कॉफी खेती के अच्छा संभावना – डॉ. शिवकुमार डहरिया

नगरीय प्रसासन, बिकास अउ श्रम मंत्री डॉ.शिवकुमार डहरिया ह एक दिन दउरा म जशपुर पहुंचिन। मंत्री ह मनोरा बिकासखंड के सोगडा आश्रम पहुंच के मां सर्वेश्वरी के दर्सन कर पूजा अर्चना करिन अउ छत्तीसगढ़ के सुख, समृद्धि अउ खुसहाली के कामना करिन।
मंत्री डॉ. डहरिया ह कहिन कि जशपुर जिला म पर्यटन के क्षेत्र म अपार संभावना हे, इहां के किसान चाय, काजू, मिर्च, टमाटर अउ दुसर फसल के अच्छा उत्पादन करत हे। किसान मन धान के अलावा दुसर फसल लेय बर प्रोत्साहित करे के निर्देस अधिकारी मन ल दिस।
नगरीय निकाय के अधिकारी मन ल सहर के साफ-सफई अउ सौंदर्यीकरन उपर घलो बिसेस धियान देय बर कहिन अउ सहर के नाली के अच्छा सफई होवा, जल भराव के स्थिति मत होवय। येकर बार मंत्री ह अधिकारी मन सरलग निगरानी करे के निर्देस दिन।
ये मउका म पूर्व राज्य सभा सांसद पीएल पुनिया, संसदीय सचिव अउ कुनकुरी विधायक यूडी मिंज, विधायक जशपुर विनय भगत, जशपुर जनपद पंचायत अध्यक्ष कल्पना लकड़ा, पूर्व नगरपालिका अध्यक्छ हीरूराम निकुंज, कलेक्टर रितेश कुमार अग्रवाल पुलिस अधीक्छक राजेश अग्रवाल, अजय गुप्ता, सूरज चौरसिया, मनमोहन भगत अउ निलेश सिंह उपस्थित रहिन।

Leave a Reply

Your email address will not be published.