आईईडी धमाका म एक जवान घायल, नक्सली मन फायरिंग कर होइस फरार

आईईडी धमाका म एक जवान घायल, नक्सली मन फायरिंग कर होइस फरार

कांकेर। जिला म सुकवार के नक्सली मन आईईडी धमाका कर दिन। ये धमाका म सशस्त्र सीमा बल (एसएसबी) के एक जवान घायल हो गेय। घटना रावघाट थाना क्षेत्र के पटकलबेड़ा गांव कना दोपहर 1 बजे के बीच होइस। एसएसबी के 33वीं बटालियन के एक टीम रेलवे लाइन के सुरक्षा करे बर निकले रहिस।

जब गस्ती दल राजधानी रायपुर ले 150 किलोमीटर दूर कोसरोंडा गांव म अपन सिविर कना जंगल के घेराबंदी करत रहिस, तभे नक्सली मन एक आईईडी बिस्फोट कर दिन, जेमा एक जवान घायल हो गेय।

घायल जवान ल अस्पताल म भर्ती कराय गिस। एसएसबी के दु बटालियन – 33 वीं अउ 28 वीं ल 2016 ले जिला के तडोकी अउ रावघाट क्षेत्र म बिसेस रूप ले दल्लीराजहरा (बालोद जिला), रावघाट (कांकेर) रेलवे परियोजना के रखवाली बर तइनात करे गेय हे।

जवान मन ऊपर फायरिंग, दिन मुंहतोड़ जवाब

आईईडी  ब्लास्ट के बाद माओवादी मन जवान मन उपर फायरिंग कर दिन। जेकर जवान मन मुंहतोड़ जवाब दिन। जवान अउ नक्सली मन के बीच लमसम 20 मिनट तक मुठभेड़ चलिस। ये घटना के पुस्टि कांकेर एसपी शलभ सिन्हा ह करिन।

Leave a Reply

Your email address will not be published.