लईका मन बर ज्यादा जागरूक अउ संवेदनसील होए के जरूरत श्रीमती भेंड़िया

बिस्व बाल सुरक्षा दिवस: लईका मन बर ज्यादा जागरूक अउ संवेदनसील होए के जरूरत:ःः श्रीमती भेंड़िया
महिला अउ बाल विकास मंत्री श्रीमती अनिला भेंडिया ह विस्व बाल सुरक्षा दिवस के अवसर म लईका मन के स्वस्थ अउ सुखी जीवन के कामना करिन। श्रीमती भेंडिया ह कहिन कि लईका ले संबंधित बाढ़त हिंसा अउ आपराधिक मामला ल देखत हुए हम ऊंखर प्रति अउ ज्यादा ले ज्यादा जागरूक अउ संवेदनसील होए के जरूरत हे। वर्तमान समय म हम सबके जिम्मेवारी हे कि लईका ले संबधित कोने भी तरह के सोसन ल रोके के मामला सामने लाए। हम लईका मन के मानसिक अउ मनोवैज्ञानिक पहलु ल जाने अउ समझे के जरूरत हे। आज हमर सतरकता अउ व्यवहार ह आने वाला पीढ़ी के भविस्य हें।

स्व-सहयाता समूह के महिला बन बनीन कोरोना वारियर्स: कोरोना वायरस के रोकथाम के रोकथाम बर तियार करिन मास्क
केराना वायरस के संक्रमन काल के कठिन समय म महिला स्व-सहयाता समूह कोति ले कोरोना वायरस ले बचाव बर बड़ संख्या म तेन्दूपत्ता संग्रहकमन अउ वनोपज संग्रहक के बर मास्क तियार करत हे। मास्क बनाके ये ग्रांव के महिला अपन परिवार बर ज्यादा ले ज्यादा पैईसा कमा के कोसिस करथें। उन्हे लाॅकडाउन के समय म समाज ल कोरोना संक्रमन ले बचाए बर अउ रोकथाम म सहयोग करत हे। ये काम म उत्तर बस्तर कांकेर जिला के लगभग 500 महिलामन कोरोना वारियर्स के रूप् म काम करत रोजगार ले जुड गे हे। अउ कपड़ा के मास्क तियार कर बाजार के मूल्य ले भी कम मूल्य म मिलत हे।
राष्ट्रीय गा्रमीण अजीविका मिसन अउ महिला अउ बाल विकास विभाग के महिला स्व-सहायता समूह कोति ले मास्क तियार कर जिला प्रसासन अउ बन विभाग म उपलब्ध कराये जात हे। महिला अउ बाल विकास विभाग क ग्रामिण महिला स्व-सहायता समूह के महिलामन 75 हजार अउ राष्ट्रीय अजीविका मिसन के महिला स्व-सहायता समूहमन कोति ले 50 हजार मास्क तियार करे जात हे। जिला प्रसासन मास्क बनाए बर सस्ता दर म कपड़ा समूह ला उपलब्ध कराये जात हे। इखर अलावा समूह कोति ले उत्पादित मास्क के बिक्री म भी सहयोग दिया जात हे।

Leave a Reply

Your email address will not be published. Required fields are marked *