अंतर्राष्ट्रीय बुजुर्ग दिन के अवसर मं बलरामपुर जिला मं कार्यक्रम आयोजित कर वरिष्ठ नागरिक मन के सम्मान करे गे। जिला मुख्यालय के जनपद पंचायत सभाकक्ष मं आयोजित समारोह मं जिला के अलग-अलग गांव पंचायत ले आए लगभग 300 बुजुर्ग और वृद्धाश्रम के सदस्य सामिल रहे।कार्यक्रम के सुरुआत छत्तीसगढ़ महतारी के चित्र मं फूल अर्पण अउ दीप जलाय ले होईस। उपस्थित जनप्रतिनिधि मन सब्बो बुजुर्ग मन ला शाल अउ श्रीफल देवत सम्मानित करे। वोमन कहिन के बुजुर्ग मन के अनुभव अउ आशीर्वाद समाज अउ परिवार के विकास के दिशा तय करथे। वोमन जोर देके कहिन के वृद्धजन दिवस सिरिफ एक दिन मनाय बर नइ हे, बल्कि हर समय बुजुर्ग मन के प्रति स्नेह अउ सम्मान बनाय रखना हमर जिम्मेदारी हे।कार्यक्रम मं निःशुल्क स्वास्थ्य जांच अउ परामर्श के सुविधा घलो देय गे, जेन ले बुजुर्ग मन के भलाई सुनिश्चित हो सके। समारोह मं मुख्य अतिथि जनपद अध्यक्ष सुमित्रा चेरवा, जनपद सीईओ दीपराज कांत, पूर्व जनपद उपाध्यक्ष भानुप्रकाश दीक्षित अउ दूसर गणमान्य जनप्रतिनिधि मौजूद रहे।
