डबल इंजन के सरकार म छत्तीसगढ़ विकास के ट्रेन तेजी ले आगू बाढ़त हे:मुख्यमंत्री साय

मुख्यमंत्री साय ह किहीन कि डबल इंजन सरकार के तहत छत्तीसगढ़ म विकास के रेलगाड़ी तेजी ले चलत हे। काली रईपुर ले बिलासपुर तक रेल यात्रा के दउरान मुख्यमंत्री साय ह छत्तीसगढ़ के तेजी ले विकास के संकल्प ल दोहराईन।

मुख्यमंत्री विष्णुदेव साय ह किहिन के पाछु 10 साल म रेलवे क्षेत्र म आए सकारात्मक बदलाव ले न केवल यात्री सुविधा म बड़वार होए हावय बल्कि भारतीय अर्थव्यवस्था ल भी गति मिले हावय। ओमन कीहिन कि रेलवे के आधुनिकीकरण ले रोजगार के नवा अवसर पैदा होय हे। रेलवे नेटवक के विस्तार ले ग्रामीण अउ दूरस्थ क्षेत्र ल बड़े शहर ले जोड़े जात हे, जेखर ले व्यापार अउ पर्यटन ल बढ़ावा मिलत हे।

मुख्यमंत्री ह किहीन कि वंदे भारत, तेजस अउ गतिमान जइसन हाईस्पीड ट्रेन ले यात्रा के बेरा म काफी कमी आय हे। मुख्यमंत्री ह बतईन कि रेलवे के अधिकारी मन ह ओमन ल बतईन कि आधुनिक रेलगाड़ी मन म वातानुकूलित कोच, आरामदायक सीट, वाई-फाई, ऑनबोर्ड खानपान के सुविधा हवय। ए स्टेशन मन म अब आधुनिक सुविधा ले सुसज्जित होगे हे, जेखर ले यात्री अनुभव म सुधार होय हे।