36 गढ़ीFEATUREDLatestUncategorizedदेश विदेसराष्ट्रीयविविध

विकसित भारत अउ विकसित छत्तीसगढ़ के विशाल भवन युवा शक्ति के हाथ ले बनही : मुख्यमंत्री

साइंस कॉलेज मैदान म चलत युवा महोत्सव म युवा मन ह अपन रचनात्मक प्रतिभा के प्रदर्शन करीन
युवा महोत्सव राज्य स्तरीय युवा महोत्सव के उद्घाटन राजधानी रईपुर म करे गीस

छत्तीसगढ़ स्वामी विवेकानंद के पवित्र स्थल रेहे हे। स्वामी विवेकानंद ह अपन किशोरावस्था के दू साल इहां डे भवन म बिताइन। जब कोनो हवाई मार्ग ले रायपुर पहुंचथे त ओला लगथे के स्वामी विवेकानंद के नाम म बने एयरपोर्ट ल देखके ए शहर के संबंध जरूर होही। उहां ले लेके शहर के सबले सुरम्य जगह विवेकानंद सरोवर तक स्वामी विवेकानंद के खातिर ए शहर के सम्मान हर जगह साफ दिखत हावय। मुख्यमंत्री विष्णुदेव साय ह स्वामी विवेकानंद के जयंती “राष्ट्रीय युवा दिवस” के मउका म साइंस कॉलेज मैदान म आयोजित तीन दिवसीय राज्य युवा महोत्सव के उद्घाटन समारोह ल संबोधित करत ए बात के उल्लेख करिन।

मुख्यमंत्री साय ह किहीन कि आधुनिक भारत ल बनाय म स्वामी विवेकानंद के महत्वपूर्ण भूमिका रिहीस। बछर अट्ठारह सौ तिरानवे म शिकागो म विशव धर्म संसद म ओमन जउन ऐतिहासिक बयान दीन हे, ओखर ले पूरा दुनिया ह भारतीय बिचार के आगू झुक गेहे। स्वामी जी ह अपन संबोधन के शुरूआत “अमेरिकी भाई-बहिनी” शब्द ले करिन। ये वसुधैव कुटुम्बकम के भारतीय दर्शन के मुताबिक रिहिस।

मुख्यमंत्री ह किहिन के युवा शक्ति के हाथ ले ही विकसित भारत अउ विकसित छत्तीसगढ़ के विशाल संरचना के निर्माण होही। हमर युवा मन हमर प्रदेश के भविष्य हावयं। युवा मन के बल अउ दृढ़ संकल्प म ही हम तेजी ले राज्य के पुनर्निर्माण के दिशा म आगू बढ़त हावन। पाछु सरकार के बखत जेन तरीका ले घोटाला ले भरती होए रिहिस, ओकर ले हमर युवा मन के मनोबल पूरा टूट गे रिहिस। उहें, पीएससी घोटाला के जांच करे के वादा करे गे रिहीस। एखर जांच सीबीआई ल सौंपे गेहे। सीबीआई ह ए मामला म प्रभावी कार्रवाई करे हे। पीएससी परीक्षा म युवा मनके विशवास बहाल होगे हे।

मुख्यमंत्री ह किहीन कि ए बखत परीक्षा पूरा पारदर्सिता के संग आयोजित करे गीस। परिणाम के घोसना होय म टॉपर मन ल फोन करके ओमन ल सम्मानित करे गीस। उंखर चेहरा म संतुष्टि देखे बर मिलीस। ओमन बताइन के पीएससी म होवत भ्रष्टाचार ले वो सबो बिखर गे रिहिस, फेर भ्रष्टाचार के खिलाफ नवा सरकार के कड़ा कार्रवाई ले बेवस्था म उंकर भरोसा बहाल होगे हावय। युवा मन ह परीक्षा के तैयारी तभे बढ़िया ढंग ले कर सकत हे जब ओमन ल लगे कि परीक्षा म कोनों गड़बड़ी नइ होही।

मुख्यमंत्री ह किहिन के दिल्ली यूथ हॉस्टल म सीट के संख्या 50 ले बढ़ाके 185 करे गे हावय, जेकर ले युवा मनला बढि़या कोचिंग मिल सके अउ यूपीएससी परीक्षा पास हो सके। उहें, व्यापमं परीक्षा बर वार्षिक कैलेण्डर जारी कर दे गेहे। ए परीक्षा तय समय म आयोजित करे जाही। येकर संग ही विभाग मन म खाली पद ल भरे के कार्यवाही तको तेजी ले करे जात हावय। हमन राष्ट्रीय शिक्षा नीति लागू कर देहे। ए सिक्षा ले युवा मन ल नवा जमाना के रोजगार बर तियार करे जाही।

मुख्यमंत्री ह नवा औद्योगिक नीति के उल्लेख करत किहिन के हमन नवा उद्योग नीति म ये सुनिश्चित करे हावय के स्थानीय युवा मन ल जादा ले जादा रोजगार मिले। एखर बर ओ उद्योग मन ल बिसेस अनुदान सहायता दे जाही, जउन मन म एक हजार या ओखर ले जादा स्थानीय युवा मन ल रोजगार मिलही। अवझ्या पांच बछर म प्रदेस म ढाई लाख करोड़ रूपिया के निवेस होय के उम्मीद हे, जेखर ले रोजगार के पांच लाख नवा मउका पैदा होही।