36 गढ़ीFEATUREDLatestराजनीतिराष्ट्रीयविविध

दिव्यांगजन विवाह प्रोत्साहन योजना दिव्यांग वर्ग के आत्मनिर्भरता अउ सम्मान के दिशा म एक कदम हावय

मुख्यमंत्री साय ह दिव्यांग हितग्राही मन ल दीस प्रोत्साहन रासि

दिव्यांगजन विवाह प्रोत्साहन योजना राज्य सरकार डहर ले संचालित दिव्यांगजन विवाह प्रोत्साहन योजना समाज के दिव्यांग वर्ग के नवा उम्मीद अउ सम्मान प्रदान करे के खातिर एक सराहनीय पहल हावय। मुख्यमंत्री विष्णुदेव साय ह पाछु छह जनवरी के महासमुंद जिला म राखे गे एक ठिन बिसेस कारीकरम म ए योजना के तहत तीन झिन हितग्राही मन ल प्रोत्साहन रासि दीन। मुख्यमंत्री ह किहीन कि सरकार ह हर वर्ग ल संग लेके विकास के दिसा म काम करत हे। ए योजना ले दिव्यांग मन ल न सिरिफ आर्थिक मदद मिलत हे, बल्कि समाज म समानता अउ सम्मान के संदेस घलो मिलत हे। ओमन कीहिन कि ये योजना दिव्यांगजन मनके जीवन ल आत्मनिर्भर अउ स्थिर बनाय के उद्देश्य ले चलाय जात हे। कार्यक्रम म साय ह गांव जोबा के श्रीमती गणेश्वरी साहू ल 50 हजार रूपिया, महासमुंद के वार्ड क्रमांक-2 के राजा बाबू देवांगन ल 1 लाख रूपिया, अउ गांव भोरिंग के श्री उमेश कुमार कुशवाहा ल 50 हजार रूपिया के प्रोत्साहन चेक सौंपिस। ए मउका म हितग्राही मन ह अपन खुसी अउ आभार जतावत किहीन कि ए सहायता ले उंखर जिनगी म सकारात्मक बदलाव आही।