चिरमिरी के जगन्नाथ मंदिर के अनूठा डिजाइन अउ सुंदर वास्तुकला श्रद्धालु मनला आकर्षित करत हावय

जगन्नाथ मंदिर राज्य के समृद्धि, विविधता अउ धार्मिक आस्था के उत्कृष्ट उदाहरण हावय।

सुंदर वास्तुकला विशेष रूप ले भक्त मनला आकर्षित करत हावय।

जगन्नाथ मंदिर छत्तीसगढ़ के मनेन्द्रगढ़-चिरमिरी-भरतपुर जिला के चिरमिरी विकास खंड म स्थित एक अनूठा अउ आकर्षक जगह हावय। ए मंदिर एक ठिन पठार के उपर बने हे अउ विशव प्रसिद्ध पुरी जगन्नाथ मंदिर जइसन दिखत हे। अपन सुंदर वास्तुकला अउ अनूठा डिजाइन के सेती ये मंदिर आगंतुक अउ भक्त मनला आकर्षित करत हावय। छत्तीसगढ़ के राजधानी रायपुर ले लगभग 300 किलोमीटर के दूरी म स्थित ये मंदिर आसानी ले पहुंच योग्य पर्यटन स्थल हावय।

जानबा होवय के मनेन्द्रगढ़-चिरमिरी-भरतपुर जिला प्राकृतिक सुंदरता ले भरे हावय, जेमा केऊ झरना, वन्यजीव अभयारण्य अउ मनोरंजन पार्क हावयं। जगन्नाथ मंदिर अपन अद्भुत डिजाइन अउ ऐतिहासिक महत्ता के खातिर पूरा प्रदेश म प्रसिद्ध हावय। ए मंदिर के निर्माण के बुता महंत गणपत परिमरय डहर ले साल 1982 म सुरू करे गे रिहिस अउ 2006 म अभिषेक के संग आम जनता ल समर्पित करे गे रिहिस।