युवा मन ल वैश्विक मंच उपलब्ध कराही हसदेव क्रिएटर्स हब : मुख्यमंत्री
जांजगीर म अत्याधुनिक स्टूडियो के करिन लोकार्पण
सोशल मीडिया इन्फ्लुएंसर, रचनाकार अउ गायक मनके सपना ल मिलही नवा ऊंचाई
नवा बछर म जांजगीर चांपा क्षेत्र के युवा मन ल अपन रचनात्मकता ल बढ़ाय बर वैश्विक मंच मिले हे। मुख्यमंत्री विष्णुदेव साय ह आज जांजगीर म हसदेव क्रिएटर हब के लोकार्पण करीन। मुख्यमंत्री ह किहिन के सीमार्ट परिसर म स्थापित ये अत्याधुनिक स्टूडियो सोशल मीडिया इन्फ्लुएंसर, रचनाकार अउ गायक ल अपन रचनात्मकता अउ रचनात्मकता ल देश-दुनिया के आगू लाने के खातिर वैश्विक मंच प्रदान करही। ए मउका म ओमन स्टूडियो म पॉडकास्ट के माध्यम ले साक्षात्कार तको दीस।
मुख्यमंत्री विष्णुदेव साय ह किहीन कि युवा मनके उत्साह अउ उछाह ल देखके ओमन घलो उत्साहित हवय। ओमन कीहिन कि पहिली ए काम बर बड़े शहर म जाके भारी रकम खर्च करना पड़थे। अब ए स्टूडियो के बने ले युवा मन के अपन रचनात्मकता ल सबो के आगू लाने के बहुत सुविधा होही। एमा रिकार्डिंग बर अत्याधुनिक उपकरण अउ सॉफ्टवेयर राखे गेहे।
