कोरबा मेडिकल अस्पताल म दू सौ बिस्तर क्षमता वाले नवा भवन बनाय जाही

उद्योग मंत्री के प्रयास के होइस फायदा, 43 करोड़ 70 लाख रूपिया के मंजूरीअंजोर.रायपुर।

जिला अस्पताल के बिस्तर के क्षमता बढ़ाके 650 करे जाही।
संगेसंग चालू अस्पताल भवन के विकास काम बर घलो मंजूरी दे गेहे।

मुख्यमंत्री विष्णुदेव साय के पहल म कोरबा मेडिकल अस्पताल म दू सौ बिस्तर क्षमता के नवा भवन बनाय के मंजूरी दे गेहे। स्वास्थ्य सुविधा के विस्तार म वाणिज्य, उद्योग अउ श्रम मंत्री लखन लाल देवांगन के प्रयास के फल मिले हावय। मेडिकल अस्पताल कोरबा म 200 बिस्तर क्षमता के नवा भवन बनाये के खातिर कुल 43 करोड़ 70 लाख रूपिया के रकम के स्वीकृति दे गे हावय। ए भवन के बने ले मेडिकल अस्पताल के बिस्तर क्षमता बाढ़के साढ़े छह सौ हो जही। येकर अलावा वर्तमान अस्पताल भवन के आन विकास बुता के खातिर तको रकम के स्वीकृति दे गे हावय।
जानबा होवय के जब जिला अस्पताल के अधिग्रहण करके मेडिकल कॉलेज कोरबा के खातिर संबद्ध करे गे रिहिस, तब अस्पताल म 100 बिस्तर के सुविधा रिहिस। प्रबंधन डहर ले एनएमसी गाइडलाइन के तहत बिस्तर क्षमता बढ़ाके 300 करे गे रिहिस।