आईईडी विस्फोट ले सड़क म गहरा गड्ढा बनिस : 8 जवान अउ ड्राईवर सहीद
छत्तीसगढ़ के बीजापुर म नक्सली मन ह बड़का हमला करके सुरक्षा बल मन ल निसाना बनाय हे। खबर के मुताबिक पाछु छह जनवरी के मंझनिया करीबन सवा दू बजे माओवादी मन ह कुटरू-अंबेली रद्दा म आईईडी विस्फोट करके सुरक्षा बल के गाड़ी ल उड़ा दीन। ए हमला म दंतेवाड़ा डीआरजी डिस्ट्रिक्ट रिजर्व गार्ड के 8 जवान अउ एक वाहन चालक शहीद होगे हावय। एखरे संग कई झिन जवान घायल हे, जेखर हालत गंभीर बने हे। घायल मन ल हेलीकॉप्टर ले रईपुर लाय के तियारी चलत हे।
ए हमला के प्रमुख बिंदु –
ए हमला बीजापुर के थाना कुटरू क्षेत्र के अंबेली नाला तीर होईस।
हमला के बाद मउका म मुठभेड़ चलत हे।
दंतेवाड़ा अउ तीर-तखार के क्षेत्र ले अतिरिक्त सुरक्षा बल ल मउका म भेजे गेहे।
घायल मन ल हेलीकॉप्टर ले रईपुर ले जाय के तियारी करे जात हे।
नक्सली मनके साजिश :
बताय जात हे कि नक्सली मन ल जवान मनके अवई-जवई के जानकारी पहिली ले रिहीस। उहें, घात लगाके जानलेवा विस्फोट करे गीस। ए विस्फोट अतका जोरदरहा रिहीस कि गाड़ी ह हवा म बीस फीट तक उछाल गे। एखर बाद नक्सली मन ह बल उपर फायरिंग सुरू कर दीन।
मउका म बड़का अधिकारी मन पहुंचीन |
घटना के सूचना मिलतेच बस ह ए बारे म गोठबात करीन।