36 गढ़ीFEATUREDLatestविविध

मुख्यमंत्री विष्णुदेव साय के प्रयास ले नवा रायपुर आईटी हब के रूप म उभरत हावय।

नवा रायपुर म युवा मन के खातिर रोजगार के नवा मउका खुलत हावयं, बढि़या सुविधा मिलत हाबे

मुख्यमंत्री विष्णुदेव साय के नेतृत्व म राज्य सरकार विकसित भारत के तर्ज म विकसित छत्तीसगढ़ के परिकल्पना ल साकार करे के खातिर सरलग प्रयास करत हावय। ए श्रृंखला म नवा रायपुर अटल नगर म सूचना प्रौद्योगिकी के क्षेत्र म रोजगार के मउका उपर काम करे जावत हे। मुख्यमंत्री साय के पहल के नतीजा हावय के छत्तीसगढ़ के नवा रायपुर क्षेत्र म आईटी अउ आईटी सक्षम सेवा के तेजी ले विकास होवत हाबे। एखर ले स्थानीय युवा मन ल रोजगार के नवा मउका मिलत हे। राज्य सरकार के योजना अउ संस्था के पहल ले नवा रायपुर युवा मन के खातिर रोजगार अउ विकास के प्रमुख केंद्र बनत जात हावय।

रायपुर के एक साधारण मध्यमवर्गीय परिवार के रहइया 24 साल के सतारूपा के आत्मनिर्भर बने अउ परिवार के पालन-पोषण करे के सपना रिहिस। खेती-किसानी अउ घरेलू बुता म काम करइया सतरूपा के मां ल अपन बेटी म गर्व हावय, काबर के पढ़ाई पूरा करे के बाद सतरूपा न केवल आत्मनिर्भर हावय बल्कि परिवार ल आर्थिक मदद तको देत हावय। नवा रायपुर के स्क्वायर बिजनेस सर्विसेज म काम करत सतरूपा ह मेहनत अउ लगन ले प्रगति के रद्दा अपनाइन। पहिली साल म ओला पदोन्नति मिलिस अउ उंकर वेतन म बड़वार होइस, जेकर ले उंकर परिवार के आर्थिक स्थिति मजबूत होइस। नवा रायपुर म स्क्वायर बिजनेस सर्विसेज म एक सौ अस्सी अउ टेली परफॉर्मेंस म अस्सी पद म भर्ती करे गेहे। येकर संग ही टेली परफॉर्मेंस के 100 अउ कर्मचारी मन के भर्ती के योजना हावय अउ सीएसएम टेक्नोलॉजीज डहर ले 200 प्रोफेशनल के भरती के खातिर आवेदन आमंत्रित करे गे हावयं। ये न केवल नवा रायपुर के खातिर बल्कि पूरा छत्तीसगढ़ के युवा मन के खातिर सकारात्मक बदलाव के संकेत हावय।