मुख्यमंत्री विष्णुदेव साय के पहल म सरलग धान खरीदी चलत हावय
अब तक नब्बे लाख सात हजार मीटरिक टन धान के खरीदी करे जा चुके हे।
धान खरीदी बर अट्ठारह लाख बारह हजार किसान मन ल बीस हजार करोड़ रूपिया ले जादा के भुगतान करे गेहे।
पंजीकृत किसान मन ल धान बिसाय बर ऑनलाईन अउ ऑफलाइन टोकन पच्चीस जनवरी तक मिलही।
किसान सुविधा के मुताबिक तिथि चुनके धान बेच सकत हावयं।
धान खरीदी के संग धान के तेजी ले उठाव करे जाही।
अब तक 61 लाख मीट्रिक टन धान के उठाव के खातिर डीओ अउ टीओ जारी करे गे हावय।
34 लाख 61 हजार मीट्रिक टन धान के उठाव करे गे हावय।
मुख्यमंत्री विष्णुदेव साय के मार्गदर्शन म प्रदेस के किसान मन ले धान के खरीदी सुचारू रूप ले करे जात हे। एखरे संग धान खरीदी बेवस्था म बड़का अधिकारी मन डहार ले सरलग नजर राखे जात हे। धान खरीदी प्रदेस म चौदह नवंबर ले सुरू होय धान खरीदी के प्रक्रिया सरलग चलत हे। अब तक करीबन नब्बे लाख सात हजार मीटरिक टन धान के खरीदी करे जा चुके हे। धान खरीदी के एवज म बैंक लिंकिंग बेवस्था के तहत अट्ठारह लाख बारह हजार किसान मन ल बीस हजार पैंतीस करोड़ रूपिया के भुगतान करे गेहे। धान खरीदी के ये अभियान 31 जनवरी 2025 तक चलही।
खरीफ विपणन साल 2024-25 म धान बिसाय के खातिर ऑनलाइन एप (टोकन तुंहर हाथ) अउ उपार्जन केन्द्र म 25 जनवरी 2025 तक टोकन सुविधा उपलब्ध कराये गे हावय। किसान सुविधा के मुताबिक तारीख चुन के नियम के मुताबिक धान बेच सकत हे।
धान खरीदी के संगेसंग मिलर मन डहार ले धान के उठाव घलो तेजी ले होवत हे। धान उठाव के खातिर लगभग 61 लाख मे.टन धान के डीओ अउ टीओ जारी करे गे हावय, जेकर विरूद्ध अब तक 34.61 लाख मे.टन धान के उठाव हो चुके हावय।
खाद्य विभाग के अधिकारी मन ह बतईन कि ए खरीफ बछर बर सत्ताईस लाख अठहत्तर हजार किसान मन ह पंजीयन कराय हे। एमा एक लाख इंक्यावन हजार नवा किसान सामिल हे। ए बछर सत्ताईस सौ उनतीस खरीदी केन्द्र के माध्यम ले एक सौ साठ लाख मीटरिक टन धान के खरीदी होय के अनुमान हे।
खाद्य विभाग के अधिकारी मन बताइन के 01 जनवरी 2025 के 57893 किसान मन ले 2 लाख 66 हजार मीट्रिक टन धान खरीदे गे हावय। एखर बर चौहत्तर हजार सात सौ साठ ले जादा टोकन जारी करे गेहे। अवझ्या दिन बर कुल इक्यासी हजार नौ सौ सत्ताईस टोकन जारी करे गेहे।