जल जीवन मिशन के माध्यम ले विशव प्रसिद्ध पर्यटन गांव तीरथगढ़ के हर घर म पानी पहुंचत हावय
सरकार के महत्वपूर्ण योजना जल जीवन मिशन के उद्देश्य ग्रामीण क्षेत्र म शुद्ध पेयजल के आपूर्ति सुनिश्चित करना हे। इही क्रम म जिला के विकास खंड दरभा के तहत प्रसिद्ध पर्यटन गांव तीरथगढ़ म जल जीवन मिशन के माध्यम ले जल आपूर्ति के सेती लोगन के जीवन म बदलाव आए हावय। ए गांव म एक विश्व प्रसिद्ध झरना हावय जेन मुंगाबहार नदी ले बनत हावय, येकर सुंदरता आकर्षक हावय, चारो कोति पहाड़ अउ घना जंगल अउ हरियर घाटी हावय, जेन पर्यटक ल साहस ले भर देत हावय। बाहरी लोगन ले संपक के सेती इहां के गांव वाला के जीवन म बाहरी बदलाव तको देखे ल मिलत हावय। महिला मन दुकान चलात हावयं अउ पुरूष खेती करत हावयं।
तीरथगढ़ के डेढ़ हजार ले जादा आबादी पहिली पानी के संकट ले जूझत रिहिस, रोज मुंगाबहार नदी म नहाये अउ कपड़ा धोये बर जात रिहिस। बोरिंग ले पीये के पानी तको लाये जाथे, घरेलू जिम्मेदारी के निर्वहन करइया महिला मन ल जादा परेशानी होथे।
