सपना ल मिलिस उड़ान : धान के सही कीमत ले किसान मनके चेहरा म मिलिस खुसी
3100 रूपिया प्रति क्विंटल के धान खरीदी ले किसान परिवार ल मिलिस आर्थिक मदद
धान के सही कीमत ले किसान मन के चेहरा म खुशी आइसधान के सही कीमत ले किसान मन के चेहरा म खुशहाली आइस
पटना तहसील के जामड़ी गांव के किसान सुरेश साहू अउ उंकर पत्नी मृदुला के जीवन कभी संघर्ष ले भरे रिहिस। सीमित संसाधन के बावजूद दुनों ह अपन लइका के डॉक्टर अउ इंजीनियर बने के सपना देखे रिहिस। उंकर खातिर ये सपना एक बार दूरिहा दिखत रिहिस, फेर किसान मन के हित म छत्तीसगढ़ सरकार डहर ले उठाये गे कदम ले उंकर जीवन बदल गे।
सुरेश जेन पेशा ले किसान अउ सब्जी बेचइया हावय। ओमन अपन लइका मन ल सुघ्घर सिक्षा देवाय बर दिन-रात मेहनत करीन। फेर खेती ले होवइया आमदनी अउ सब्जी के बिक्री ले मिले सीमित मुनाफा उंकर लइका के उच्च शिक्षा के खर्चा ल पूरा करे के खातिर पर्याप्त नइ रिहिस।
पाछु बछर के जइसे ए बछर घलो छत्तीसगढ़ सरकार ह इकतीस सौ रूपिया प्रति कुंटल अउ इक्कीस कुंटल प्रति एकड़ के सीमा तय करे हे। सरकार के ए फइसला सुरेश के परिवार बर वरदान रिहीस। ओमन अपन मेहनत करीन।
ए पइसा के उपयोग घर बनाय अउ गहना खरीदे म करे जाही ।
किसान हरबंस प्रसाद साहू निवासी जामड़ी, चार बेटा अउ दू बेटी के पिता ह ए साल लगभग 185 क्विंटल धान बेचे के जानकारी दीस। ओमन बताइन कि धान खरीदी केन्द्र म बने बेवस्था हे। धान के बदला म मिले पइसा के उपयोग घर बनाने, करजा चुकाये के संगेसंग पत्नी बर सोना-चांदी खरीदे म करे जाही।
बाड़ी बनाये के संग ही आन फसल के उत्पादन म तको बड़वार करे जाही।
अइसने गांव मुर्मा निवासी किसान लाल सिंह गोंड ह 23 एकड़ भूईया म धान रोपण अउ सरकारी खरीदी केन्द्र म लगभग 300 क्विंटल धान बेचे के जानकारी देत किहिन के मिले रकम के उपयोग खेत बनाये के संग आन फसल के उत्पादन म करे जाही।
सरकारी सहयोग ले सपना साकार होवत हावय।
ए किसान मन ल सरकार के नीति ले आर्थिक सहयोग मिले हे। किसान मन ह ए देखाय हे कि कोनों भी सपना ल सही दिसा म मेहनत अउ सरकारी सहयोग ले पूरा करे जा सकत हे। ओमन किहीन कि मुख्यमंत्री विष्णुदेव साय अउ उंखर सरकार के हम आभारी हन। ये न सिरिफ आर्थिक सुधार हावय, बल्कि हमर जइसे किसान परिवार के खातिर एक बढ़िया मउका हावय।