ड्रोन दीदी चंद्रकाली वर्मा के खरीफ अउ रबी सीजन म होइस 2 लाख रूपिया के कमाई
बेटी बनिस आईटी इंजीनियर
मुख्यमंत्री विष्णुदेव साय ह किहीन हे कि चूल्हा के क्षेत्र म जउन हाथ कुशलता ले काम करथे, ओमन प्रौद्योगिकी के क्षेत्र म समान कौशल दिखा सकत हे। डबल इंजन सरकार म महिला मन न केवल आर्थिक रूप ले बल्कि तकनीकी रूप ले भी सक्षम बनत हाबे। छत्तीसगढ़ के ड्रोन सिस्टर्स ह ए बिचार ल हकीकत म बनाय हे।
रईपुर जिला के ग्राम नागापुरा के ड्रोन दीदी चंद्रकाली के सफल उड़ान ड्रोन जइसन हे। ओमन प्रधानमंत्री नरेन्द्र मोदी के महिला सशक्तिकरण के कार्यकम ले ड्रोन दीदी घलो बनीन। ओमन ड्रोन चलाना सीख लीन अउ बहुत कम समय म एमा निपुण होगे। चंद्रकाली के कहना हावय के कुशल होए के सेती उंकर बुता के कीमत तको कई गुना बढ़ गे। ओमन सिरिफ 10 मिनट म एक एकड़ जमीन म कीटनाशक के छिड़काव करके 300 रूपिया के आमदनी करत हावयं। गांव म खेत म छिड़काव करे के बाद उंकर ड्रोन ड्राइविंग कौशल के जानकारी पड़ोसी गांव म तको फैल गे। उहें अब्बड़ काम मिले अउ पूरा समर्पण के संग चंद्रकाली ह करीबन सात सौ एकड़ खेत म कीटनाशक दवई के छिड़काव करीन।
सबले बड़का फायदा ये हावय के टेक्नोलॉजी ह ओला समय के बाधा ले पूरा तरह ले मुक्त कर दीस। उहें, लइका मन ल तियार करे जात हे। उहें, घर म चूल्हा लगाके फेर खेत बर रवाना होवत हे। उंखर हाथ म ड्रोन रिमोट लगे हे। चंद्रकाली जइसे ही ड्रोन कंट्रोल रिमोट चालू करत हावय, धीरे-धीरे ड्रोन गति लेके आसमान कोति उड़त हावय अउ खेत के चक्कर लगाये लगथे। अब चंद्रकाली अपन गांव अउ आसपास के क्षेत्र म ड्रोन दीदी के नाम ले जाने जाथे।
रायपुर जिला के आरंग विकासखंड के निवासी वर्मा कुछ महीना पहिली महिला समूह ले जुड़के मामूली आमदनी कमावत रिहिस। प्रधानमंत्री नरेंद्र मोदी ह नवंबर 2023 म नमो ड्रोन दीदी योजना के शुभारंभ करिन, जेकर उद्देश्य ग्रामीण महिला मन ल तकनीकी रूप ले सशक्त बनाके आत्मनिर्भर बनाके आधुनिकता ले जोड़ना हावय। ए योजना म रईपुर जिला के चंद्रकाली वर्मा समेत छत्तीसगढ़ के महिला स्व-सहायता समूह के सदस्य मन ल चुने गेहे।
चंद्रकाली के कहना हावय के उंकर समूह म अच्छा बुता देखके उंकर चयन ए योजना के खातिर होइस अउ ऑनलाइन इंटरव्यू करे गिस। जेखर बर ओमन ल ग्वालियर म पन्द्रह दिन के परसिक्षण दे गीस अउ दिसंबर दू हजार तेईस म ओमन ल निःसुल्क ड्रोन, संगेसंग परिवहन बर ड्रोन गाड़ी घलो दे गीस। ओमन बतईन कि आने बहिनी मनके संग उत्तरप्रदेश के फूलपुर म घलो नेवता दे गे रिहीस, जिहां प्रधानमंत्री नरेन्द्र मोदी ह ओमन ल नमो ड्रोन दीदी के उपाधि दीन। येकर बाद चंद्रकला के आगमन के बाद किसान मन ल येकर जानकारी दे गिस अउ बताये गिस के मैन्युअल रूप ले कीटनाशक के छिड़काव करे के बजाय अब ये बुता ड्रोन के मदद ले टेक्नोलॉजी के मदद ले मिनट म करे जात हावय। धीरे-धीरे ओमन ल काम मिले लगे हे। चंद्रकला के 2 लाख रूपिया ले जादा के आमदनी होए हावय जेकर ले वो अपन लइका के अच्छा शिक्षा देत हावयं। चंद्रकला ह जब टेक्नोलॉजी के महत्ता ल समझिस त ओमन अपन बेटी ल तको टेक्नोलॉजी कोति मोड़ दीस, ये चमत्कार नमो ड्रोन दीदी योजना के हावय।
चन्द्रकला कहती हैं कि मुझे गर्व है कि मै ड्रोन दीदी हूं। मै आज नई तकनीक का उपयोग कर रही हूं। अपने गांव के खेती किसानी में मदद कर रही हूं, जिससे फसल उत्पादन में वृद्धि होगी और लागत भी कम आएगी। मैं प्रधानमंत्री नरेन्द्र मोदी और मुख्यमंत्री विष्णुदेव साय को धन्यवाद देती हूं और अन्य महिलाओं से आग्रह करती हूं कि इस तकनीक से जुड़ें और छत्तीसगढ़ को और आगे बढ़ाएं।
आप मन पढ़तहव छत्तीसगढी न्यूज़ पोर्टल 36गढ़ी.com
