2024 बैच के 3 आईएएस ल मिलिस छत्तीसगढ़ काडर
केन्द्रीय कार्मिक प्रशिक्षण मंत्रालय ह बछर दू हजार चौबीस बैच के आईएएस ल कैडर आवंटित करे हे। बछर दू हजार चौबीस बैच के एक सौ अस्सी आईएएस अधिकारी मन ल संवर्ग आवंटित करे गेहे। उहें, छत्तीसगढ़ ल घलो तीन झिन आईएएस मिले हे। ए तीनों आईएएस बाहरी हरय। केन्द्रीय कार्मिक अउ प्रसिक्षण मंत्रालय डहार ले आवंटन सूची जारी करे के बाद ए आईएएस अधिकारी मन ल संबंधित राज्य सरकार डहार ले पदस्थ करे जाही।
छत्तीसगढ़ ल तीन आईएएस मिले हे। यूपीएससी म पचहत्तर रैंक मिले अक्षय दोषी ल छत्तीसगढ़ कैडर मिले हे। अक्षय पश्चिम बंगाल के रहइया हरय। ए मन सामान्य वर्ग ले आय हे। एखर अलावा दू सौ अड़तीस रैंक म अवइया विपिन दुबे ल घलो छत्तीसगढ़ कैडर आवंटित करे गेहे। विपिन सामान्य वर्ग ले आथे। ए मन उत्तरप्रदेश के रहइया हरय। महाराष्ट्र के रहइया क्षितिज गुरभेले ह चार सौ इकचालीसवां रैंक हासिल करे रीहिन। ए मन अनुसूचित जाति वर्ग ले आय हे। उहें छत्तीसगढ़ कैडर घलो आवंटित करे गेहे।