जनशिकायत निवारण शिविर ले ग्रामीण मनला मिलत हाबे लाभ
विभागीय योजना मन के जानकारी के संग योजना मन के लाभ मिलत हावय।
मुख्यमंत्री विष्णुदेव साय के मंशा के मुताबिक ग्रामीण क्षेत्र के समस्या के निराकरण उंकर गांव म ही निराकरण के उद्देश्य ले जिला स्तर के गउठान म जन शिकायत निवारण शिविर के आयोजन करे जात हावय। जेकर तहत जिला के गांव स्तरीय शिविर म आवेदन मिलत हावय। एखरे संग सिविर म अवइया लोगन मनके समस्या ल सुनके उंखर अरजी के निराकरण करे जात हे। इही क्रम म विकास खंड घरघोड़ा के गांव कया म आज जिला स्तरीय जनशिकायत निवारण शिविर के आयोजन करे गिस। शिविर के पहिली गांव स्तर म 15 पंचायत ले 462 आवेदन मिले रिहिस, जेमा ले 461 आवेदन के निराकरण हो चुके हावय। एखरे संग आज आयोजित सिविर म मिले जम्मों अरजी ल निपटारा बर संबंधित विभाग मन म भेजे गेहे।
काया म आयोजित शिविर म लोगन ल संबोधित करत विधायक धरमजयगढ़ लालजीत सिंह राठिया ह बताइन के जनशिकायत निवारण शिविर के माध्यम ले आज जिला स्तरीय अधिकारी इहां उपस्थित हावयं।
ओमन संबंधित अधिकारी मन ल उंखर समस्या बर आवेदन करे अउ उंखर समस्या के निवारण करे बर किहीन। ओमन बतईन कि विभाग ले जुड़े योजना मनके जानकारी दे बर सिविर म स्टॉल लगाय गेहे। ओमन मौजूद जम्मों लोगन मन ले सरकारी योजना मनके फायदा उठाय के आग्रह करीन। ए दउरान ओमन आम लोगन मन ल बाल विवाह ल रोके बर सपथ देवाईन।
कलेक्टर कार्तिकेय गोयल ह बताइन के जिला प्रशासन डहर ले स्थानीय जनप्रतिनिधि मनके मदद ले दूरस्थ क्षेत्र के ग्रामीण क्षेत्र म जन शिकायत निवारण शिविर के आयोजन करे जात हावय। जेखर ले ओ क्षेत्र मन म जाके उंखर समस्या ल जानके ओखर समाधान करे जा सकय। कलेक्टर श्री गोयल ह किहिन के जनशिकायत निवारण शिविर के मुख्य उद्देश्य ये हावय के शासन अउ प्रशासन के सबो विभाग एक ठऊर म उपस्थित होके आम लोगन के समस्या, जरूरत अउ मांग के समय म समाधान करें, जेकर ले जरूरतमंद अउ पात्र हितग्राही मन ल शासन के जनकल्याणकारी योजना मन के लाभ मिल सके।
ओमन आम मनखे के समस्या सुने के संगेसंग लोगन मन ले स्वास्थ्य विभाग डहार ले लगाय गे स्टॉल म जाके स्वास्थ्य जांच कराय के अपील करीन। ओमन गर्भवती माईलोगिन मन ले किहीन कि हीमोग्लोबिन कमती होय म महिला अउ बाल विकास विभाग डहार ले दे जावत सप्लीमेंट के फायदा उठाय, जेखर ले मां अउ लइका स्वस्थ राहय। ए मउका म विभागीय अधिकारी मन ह सिविर म लगाय गे स्टॉल के माध्यम ले आने-आने योजना मनके जानकारी दीन।
ये मउका म जिला पंचायत सदस्य संतोष राठिया, अध्यक्ष जनपद पंचायत घरघोड़ा सहोदरा राठिया, अरूणधर दीवान, सरपंच काया सुरेखा राठिया, उस्मान बेग, शिव शर्मा, जनेश्वर मिश्रा, नरेश बेहरा, एसडीएम घरघोड़ा रमेश मोर, डिप्टी कलेक्टर महेश शर्मा, जनपद सीईओ वीरेन्द्र राय, स्थानीय जनप्रतिनिधि अउ बड़ संख्या म ग्रामीण उपस्थित रिहिस।
तुरते इलाज ले लइका के जान बचाइस, कलेक्टर ह डॉक्टर ल दीस सराहना पत्र
कलेक्टर गोयल ह सर्पदंश के बाद डॉ. भोय डहर ले तुरते उपचार करके लइका के जान बचाये के खातिर सराहना प्रमाण पत्र दीस। उल्लेखनीय हावय के जिला स्तरीय जन शिकायत निवारण शिविर के पूर्व संध्या म शिविर जगह म खेलत 10 साल के कृष्णा सारथी के पिता 10 साल के कृष्णा सारथी ल सांप ह काट लिस। प्राथमिक स्वास्थ्य केन्द्र म काम करइया डॉ. तरूण भोय ल जइसे ही ये बात के जानकारी मिलिस, ओमन लइका ल अपन बाइक ले स्वास्थ्य केंद्र ले जाके लइका के इलाज करिन। ए दउरान ओमन पूरा रात ओला निगरानी म राखीन अउ दूसर दिन बिहनिया लइका ल छुट्टी दे दीन। अब लइका पूरा स्वस्थ हावय। शासन के मंशा के मुताबिक ग्रामीण क्षेत्र म स्वास्थ्य सुविधा के विस्तार करे जात हावय, जेकर नतीजा हावय के गांव वाला ल बढि़या इलाज के लाभ मिलत हावय।
विभागीय योजना मन ले लाभान्वित हितग्राही मनला होइस लाभ
काया म राखे गे लोक सिकायत निवारण सिविर म मछली पालन विभाग डहार ले दू झिन हितग्राही मन ल जाल अउ आईस बॉक्स बांटे गीस। अइसने राष्ट्रीय ग्रामीण आजीविका मिशन (बिहान योजना) के तहत 3 हितग्राही मन ल सीआईएफ के रकम दे गिस। कृषि विभाग डहार ले धरती आबा योजना के तहत दस झिन हितग्राही मन ल सरसों के बीजा बांटे गीस। स्वच्छ भारत मिशन के तहत 3 लोगन ल प्रमाण पत्र, 2 लोगन ल वृद्धावस्था पेंशन योजना ले लाभान्वित करे गिस। पशुपालन विभाग डहर ले 16 हितग्राही मन ल खनिज मिक्सर, प्रधानमंत्री आवास योजना ग्रामीण के तहत 5 लोगन ल सम्मान पत्र, 3 लोगन ल आयुष्मान कारड अउ दू लोगन ल सिकलसेल कार्ड बनाये गिस। खाद्य विभाग डहर ले 5 लोगन के राशन कार्ड बनाये गिस। अइसने, आन विभाग मन ल घलो योजना मन ले पात्र हितग्राही मन ल फायदा मिलत हे। सिविर म सबो विभाग के जिला स्तर के अधिकारी मन मौजूद रहय। ओमन फोरम के माध्यम ले विभागीय योजना मन के बारे म जानकारी दीन।
स्वास्थ्य विभाग के स्टॉल ले 160 लोगन ल होइस लाभ
काया म राखे गे सिविर के दउरान स्वास्थ्य विभाग डहार ले ए स्टॉल लगाय गीस। जेमा स्वास्थ्य परीक्षा अउ उपचार के खातिर विकासखंड चिकित्सा अधिकारी डॉ. एस. पैंकारा, चिकित्सा अधिकारी डॉ. नागेन्द्र नायक के जांच करके मेडिसिन डिस्ट्रीब्यूशन लैब टेस्ट, एनसीडी टेस्ट करे गिस। जेमा डायबिटीज-06, हाइपरटेंशन-10, सिकलाइन टेस्ट के 2 मरीज मिलिस, अइसे शिविर म कुल 160 लोगन ल लाभान्वित करे गिस। शिविर म 8 ग्राम ले कम हीमोग्लोबिन वाले 07 मरीज के पुष्टि होइस। अइसने, चिरायु ले दस झिन लइका मनके स्वास्थ्य जांच करे गीस। शिविर म सीएमएचओ डॉ. बी.के. चंद्रवंशी, जिला कार्यक्रम प्रबंधक सुश्री रंजना पैंकारा, नोडल अधिकारी डॉ. एस.के. मंडल, विकास खंड कार्यक्रम प्रबंधक मंजुलता सहित सेक्टर के सबो अधिकारी-कर्मचारी उपस्थित रिहिस।
मासिक पत्रिका जनमान के वितरण करे गिस
शिविर म शासन के जनकल्याणकारी योजना मन ले संबंधित पत्रिका, लोक अउ सुशासन के नवा आयाम अउ खुशहाली अधिसूचना महतारी वंदन के वितरण करे गिस। जनसंपक विभाग डहर ले शासन के जनकल्याणकारी योजना, महत्वपूर्ण फइसला अउ उपलब्धि ल लोगन तक पहुंचाये अउ योजना मन के लाभ ले के खातिर प्रेरित करे के खातिर मासिक पत्रिका ‘जनमन’ के प्रकाशन करे जात हावय। जनमन के माध्यम ले जनता ल शासन के सबो योजना अउ उपलब्धि के जानकारी मिलत हावय।
आप मन पढ़तहव छत्तीसगढी न्यूज़ पोर्टल 36गढ़ी.com
