ऊर्जा अउ जल संरक्षण कार्यशाला के समापन होइस

क्रेडा विभाग डहार ले कृषि विज्ञान केन्द्र सुरगी म संभाग स्तरीय ऊर्जा अउ जल संरक्षण बिसय उपर एक ठिन कार्यसाला के आयोजन करे गीस। ऊर्जा संरक्षण ल बढ़ावा दे के खातिर भारत सरकार के ऊर्जा दक्षता ब्यूरो डहर ले ऊर्जा कुशल पंप के चयन, संचालन, रखरखाव अउ सुरक्षा के बारे म नवीनतम तकनीक अउ जानकारी के प्रति संवेदनशील बनाये के खातिर एक कार्यशाला के आयोजन करे गिस। ए कार्यसाला म किसान मनके संग कृषि महाविद्यालय के पढ़ईया लइका मन ह भाग लीन। कार्यसाला म अध्यक्ष जिला सहकारी केन्द्रीय बैंक मर्यादित सचिन बघेल ह किहीन कि सौर ऊर्जा के उपयोग ले न सिरिफ ऊर्जा के बचत होही बल्कि पर्यावरण के रक्षा घलो होही।

कार्यसाला ले मिले जानकारी ले किसान मन ऊर्जा अउ जल संरक्षण म सौर कृषि पंप के चयन, संचालन अउ रखरखाव अउ जादा कुशलता ले कर सकही। कार्यशाला म कोमल सिंह राजपूत अउ शक्ति केन्द्र प्रभारी गुरशरण सिन्हा, तेज प्रकाश सिन्हा, क्रेडा क्षेत्रीय कार्यालय के कार्यपालन अभियंता इंदु भूषण साहू, जिला प्रभारी क्रेडा पूर्णिमा गुप्ता, उप अभियंता मेघराज साहू, वरिष्ठ वैज्ञानिक अउ प्रमुख कृषि विज्ञान केन्द्र सुरगी डॉ. गुंजन झा अउ सीआरईडी उपस्थित रिहिस।

आप मन पढ़तहव छत्तीसगढी न्यूज़ पोर्टल 36गढ़ी.com