36 गढ़ीFEATUREDLatestUncategorizedसाहित्य

छत्तीसगढ़ राजभाषा दिवस के मउका म मुख्यमंत्री ह छत्तीसगढ़ी भासा के 6 वरिष्ठ लेखक मन के सम्मान करीन

छत्तीसगढ़ राजभाषा आयोग डहर ले 12 किताब के विमोचन करे गिस

मुख्यमंत्री विष्णुदेव साय ह छत्तीसगढ़ी राजभाषा दिवस के मउका म राखे गे कार्यकम म छत्तीसगढ़ी भाखा ल शाल अउ स्मृति चिन्ह भेंट करके ओला समृद्ध करइया छै झिन साहित्यकार मन ल सम्मानित करीन। ए मउका म ओमन छत्तीसगढ़ राजभाषा आयोग डहार ले प्रकासित छत्तीसगढ़ी भाखा म लिखे गे बारह ठिन पुस्तक के विमोचन घलो करीन। सांसद बृजमोहन अग्रवाल ह कार्यक्रम के अध्यक्षता करिन। कार्यक्रम म विशेष अतिथि के रूप म पद्मश्री डॉ. सुरेन्द्र दुबे अउ डॉ. रमेन्द्रनाथ मिश्रा उपस्थित रिहिस।

कार्यक्रम म मुख्यमंत्री ह धमतरी के 6 वरिष्ठ साहित्यकार सुरजीत नवदीप, रायपुर के डॉ. रामेन्द्रनाथ मिश्रा, धमतरी के पुनीत गुरुवंश, रायपुर के डॉ. सुखदेव राम साहू सरस, सरगुजा के शिवब्रत सिंह पावले, दंतेवाड़ा के शकुंतला शेंडे ल साल-श्रीफल अउ स्मृति चिन्ह भेंट करके छत्तीसगढ़ी भाषा के संवर्धन म योगदान देवइया छै वरिष्ठ साहित्यकार मनला सम्मानित करिन।

ए मउका म मुख्यमंत्री ह डॉक्टर पी.सी. लाल यादव के “लोरिक चंदा” नाव के पुस्तक अउ सुशील भोले के “कोंदा-भैरा के गो” नाव के पुस्तक घलो भेंट करीन।