आदिवासी संस्कृति ह भगवान श्रीराम ल अपन अंतस मा बसा रखे हे: मुख्यमंत्री
आदिवासी समाज के समग्र विकास के खातिर छत्तीसगढ़ म कई योजना संचालित करे जात हावयं।
मुख्यमंत्री ह ‘आदिवासी पहचान, अस्तित्व अउ विकास’ विषय म आयोजित संगोष्ठी ल संबोधित करिन
आदिवासी समाज के इतिहास पृथ्वी म मनुष्य के पहिली पदचिन्ह ले जुड़े हावय। आदिवासी संस्कृति ह भगवान श्रीराम ल अपन दिल म रखे हावय। भगवान राम ह छत्तीसगढ़ म वनवास बिताइस, इहां ओमन माता शबरी के रसदार बेर खाइस। आदिवासी पहचान के सवाल भारत के शाश्वत परंपरा के पहचान ले संबंधित हावय। ए बात मुख्यमंत्री विष्णुदेव साय ह आज रईपुर के पंडित दीनदयाल उपाध्याय ऑडिटोरियम म राखे गे आदिवासी पहचान, अस्तित्व अउ विकास बिसय उपर राखे गे एक दिवसीय संगोष्ठी ल संबोधित करत किहीन। ओमन किहिन के हमर खातिर ये गर्व के बात हावय के आज हमन ल आदिवासी समाज के पहचान अउ विरासत के प्रति संवेदनशील गौरवशाली प्रधानमंत्री नरेंद्र मोदी जी के नेतृत्व मिले हावय। आज आदिवासी समाज ले हमर बहिनी श्रीमती द्रौपदी मुर्मू भारत के सर्वोच्च पद म हावय।
मुख्यमंत्री साय ह किहीन कि आदिवासी समाज सांस्कृतिक रूप ले समृद्ध समाज हरय। ए समाज ह कुप्रथा के जोरदरहा विरोध करत हे। आदिवासी गौरव दिवस भारत के संस्कृति अउ देस के आजादी के रक्षा म आदिवासी नेता मनके योगदान ल सुरता करत प्रधानमंत्री नरेन्द्र मोदी के पहल म देसभर म तेरह ले पन्द्रह नवंबर तक आदिवासी गौरव दिवस मनाय गीस। मुख्यमंत्री ह आदिवासी समाज के परंपरा, सांस्कृतिक रीति-रिवाज, तीज-तिहार अउ आदिवासी उत्थान के खातिर शासन डहर ले चलाये जात योजना मन ले संबंधित महत्वपूर्ण जानकारी साझा करिन।
मुख्यमंत्री ह किहीन कि तेरह नवंबर के जशपुर जिला म राखे गे पदयात्रा अतका सफल रिहीस कि देस के प्रधानमंत्री नरेन्द्र मोदी ह एखर खुल के प्रसंसा करत अइसन आयोजन ल आदिवासी समाज के विकास अउ उत्थान म महत्वपूर्ण बतईन। ओमन किहीन कि आदिवासी गौरव दिवस के मउका म राखे गे राष्ट्रीय आयोजन ले दूसर प्रांत के आदिवासी समाज ल एक-दूसर के संस्कृति ल जाने अउ समझे के सुघ्घर मउका मिलथे। साय ह किहीन कि पूर्व प्रधानमंत्री अटल बिहारी वाजपेयी ह अपन कार्यकाल म सबले पहिली अलग आदिवासी कल्याण मंत्रालय बनाय रिहीन।
