वाणिज्य अउ उद्योग मंत्री लखनलाल देवांगन ह बतईन कि प्रदेस म नवा औद्योगिक नीति एक नवंबर दू हजार चौबीस ले इकतीस मार्च दू हजार तीस तक लागू करे जाही। प्रधानमंत्री नरेंद्र मोदी के मंशा के मुताबिक छत्तीसगढ़ राज्य म अमृत काल : छत्तीसगढ़ विजन / 2047 नवा औद्योगिक विकास नीति 2024-30 जइसे महत्वाकांक्षी परियोजना सुरू करे गे हावय।
ए नीति के माध्यम ले प्रदेश के युवा मन के खातिर कुशल रोजगार ल बढ़ावा देत अवइया 5 साल म 5 लाख नवा औपचारिक क्षेत्र के रोजगार के लक्ष्य रखे गे हावय। ए नीति म स्थानीय मजदूर मन ल औपचारिक रोजगार म बदले बर परसिक्षण अउ प्रोत्साहन देके एक हजार ले जादा नौकरी देवझ्या इकाई मन ल प्रोत्साहन रासि के अलावा बिसेस प्रोत्साहन के प्रावधान करे गेहे।
ए नवा अउ महत्वपूर्ण नीति के उद्देश्य समावेशी औद्योगिक विकास के माध्यम ले रोजगार सृजन अउ अग्रणी औद्योगिक राज्य के परिकल्पना ल साकार करना हे।
