मुख्यमंत्री साय ल मिलिस राज्य स्तरीय भव्य पंथी नृत्य प्रतियोगिता के निमंत्रण

खाद्य मंत्री  बघेल के अगुवई म सतनामी समाज के एक प्रतिनिधिमंडल ह मुख्यमंत्री ले मुलाकात करिस

नवागढ़ म 19 ले 21 दिसंबर तक होही भव्य पंथी नृत्य प्रतियोगिता

एमा देस के आने-आने राज्य के नृत्य दल मन ह भाग लीहीं

पंथी नृत्य राज्य स्तरीय पंथी नृत्य प्रतियोगिता म छत्तीसगढ़ के संगेसंग देस के आने-आने राज्य के पंथी नर्तक मन सामिल होही। ए प्रतियोगिता बेमेतरा जिला के विकास खंड मुख्यालय नवागढ़ म उन्नीस ले इक्कीस दिसंबर तक होही। खाद्य मंत्री दयाल दास बघेल के अगुवई म सतनामी समाज प्रमुख मनके टीम ह मुख्यमंत्री विष्णुदेव साय ले उंकर निवास कार्यालय म भेंट करके प्रतियोगिता म भाग ले के खातिर आमंत्रित करिन। मुख्यमंत्री ह सहर्ष नेवता स्वीकार करत जयंती कार्यक्रम म सामिल होए के आश्वासन दिस।
प्रतिनिधिमंडल ह मुख्यमंत्री ल बताइन के दिसंबर महीना म परम पुज्या गुरु घासी दास बाबा जी के जयंती मनाये के खातिर राज्य स्तरीय पंथी नृत्य प्रतियोगिता के आयोजन करे जात हावय।